აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ, საქართველოს სოფლის მეურნეობის მინისტრის მოადგილე დავით გილიგაშვილმა, შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატის აფხაზეთის ავტონომიური რესპუბლიკის, ყოფილი სამხრეთ ოსეთის ოლქის საკითხთა და სამოქალაქო ინტეგრაციის დეპარტამენტის უფროსი ზვიად ზვიადაძემ, აფხაზეთის ავტონომიური რესპუბლიკის სოფლის მეურნეობის, გარემოს დაცვისა და ბუნებრივი რესურსების დეპარტამენტის თავმჯდომარემ ვალერი ბასარიამ და სამეგრელო-ზემო სვანეთში აფხაზეთის ავტონომიური რესპუბლიკის მთავრობის წარმომადგენლობის ხელმძღვანელმა ალექსანდრე ჩიკვაიძემ სიმინდის მოსავლის აღებაში მიიღეს მონაწილეობა.

მიწის დამუშავებას დევნილები ახორციელებენ და მოწეული მოსავალიც დევნილ ოჯახებზე გადანაწილდა.

მიწის ნაკვეთი საქართველოს ეკონომიკის სამინისტროს მიერ აფხაზეთის ავტონომიური რესპუბლიკის მთავრობას სარგელობის უფლებით გადმოეცა.

„ქართულ-აფხაზური საგას" ორგანიზებით, ბათუმის ხელოვნების ცენტრში, საქართველოს ეროვნული გმირის - ჟიული შარტავასადმი მიძღვნილი წიგნის, „მამულისათვის თავდადებული" - პრეზენტაცია გაიმართა. წიგნი „ქართულ-აფხაზურმა საგამ" ბათუმის მერიის მხარდაჭერით გამოსცა.

მასში აღწერილია ჟიული შარტავას დამოკიდებულება აჭარის და სრულიად საქართველოსადმი. წიგნში 70-მდე ავტორის წერილია. ისინი იცნობდნენ, თანამშრომლობდნენ და მეგობრობდნენ ჟიული შარტავასთან.

წიგნის პრეზენტაციას ესწრებოდნენ აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, ბათუმის მერე გიორგი ერმაკოვი, აჭარის ავტონომიური რესპუბლიკის უმაღლესი საბჭოს თავმჯდომარე ავთანდილ ბერიძე, აფხაზეთის მთავრობის წევრები დიმიტრი ჯაიანი, დავით გვაძაბია, აფხაზეთის უმაღლესი საბჭოს თავმჯდომარის მოადგილე ჯემალ გამახარია, მთავრობის აპარატის წარმომადგენლები, აფხაზეთის მეცნიერებათა ეროვნული აკადემიის ხელმძღვანელი ზურაბ ლომთათიძე, „ქართულ აფხაზური საგის" ხელმძღვანელი პროფესორი ნათელა დუმბაძე და სხვა საზოგადო მოღვაწეები. საღამოს ნათელა დუმბაძე უძღვებოდა.

წიგნის პრეზენტაციის შემდეგ, ბათუმში, ჟიული შარტავას სახელობის გამზირზე ჟიული შარტავას მემორიალი ყვავილებით შეამკეს . ცერემონიაზე შეკრებილ საზოგადოებას სიტყვით მიმართეს: აფხაზეთის მთავრობის ხელმძღვანელმა, ბათუმის მერმა, აჭარის უმაღლესი საბჭოს თავმჯდომარის მოადგილემ, აფხაზეთის უმაღლესი საბჭოს თავმჯდომარის მოადგილემ, ჟიული შარტავას მეგობრებმა. ღონისძიებას აჭარაში მცხოვრები აფხაზებიც ესწრებოდნენ.

2016 წლის 23 სექტემბერს წყალტუბოს მუნიციპალიტეტში, სასტუმრო „პრომეთეში“ ა/ო „აფხაზინტერკონტი“ მოაწყო მრგვალ მაგიდას, რომელიც დაეთმო წყალტუბოში  კვლევებით გამოვლენილ დევნილთა სოციალური პრობლემების განხილვას. შეხვედრას ესწრებოდნენ ადგილობრივი თვითმმართველობის წარმომადგენლები, საქართველოს ოკუპირებული ტერიტორიებიდან იძულებით გადაადგილებულ პირთა განსახლებისა და ლტოლვილთა სამინისტროს იმერეთის, გურიის, რაჭა-ლეჩხუმ- ქვემო სვანეთის ტერიტორიული ორგანოს ხელმძღვანელი გიორგი სანთელაძე, იმერეთის, გურიის, რაჭა-ლეჩხუმისა და ქვემო სვანეთის რეგიონებსა და აჭარის ავტონომიურ რესპუბლიკაში აფხაზეთის ავტონომიური რესპუბლიკის მთავრობის წარმომადგენლობის ხელმძღვანელი ზაზა ჩაჩავა და დევნილი საზოგადოების წარმომადგენლები.

2016 წლის 17-19 სექტემბერს კორეის რესპუბლიკის მშვიდობის საერთაშორისო ორგანიზაციამ (HWPL) კორეის რესპუბლიკის დედაქალაქ სეულში მსოფლიო რელიგიათა ალიანსის მე-2 ყოველწლიური მშვიდობის სამიტი გამართა, სადაც მონაწილეობას იღებდნენ მთავრობის ხელმძღვანელები, რელიგიური ლიდერები, მედიის, სამოქალაქო საზოგადოების, აკადემიური წრეების, კერძო სექტორის წარმომადგენლები, ქალთა და ახალგაზრდული ორგანიზაციები მსოფლიოს 120 ქვეყნიდან. მათ შორის საქართველოდან სამიტში მონაწილეობას აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია იღებდა.

სამიტში 200-ზე მეტი მაღალი თანამდებობის პირი მონაწილეობდა და მისი მიზანი იყო ,,მშვიდობის დამყარებისა და ომის შეწყვეტის დეკლარაციის შესახებ" სტრატეგიისა და სამუშაო გეგმის შემუშავება, სხვადასხვა ქვეყნის წარმომადგებლების მიერ გამოცდილების გაზიარება მსოფლიო მშვიდობის გამოწვევებსა და უსაფრთხოების პერსპექტივებზე. ფორუმის მონაწილეებმა ასევე განიხილეს მსოფლიოში არსებული კონფლიქტები, ერთმანეთს გაუზიარეს კონფლიქტის შედეგები და მიაწოდეს ინფორმაცია მის გადასაჭრელად გადადგმული ქმედითი ნაბიჯების შესახებ.

აღნიშნულ ფორუმზე მონაწილეთა წინაშე სიტყვით წარსდგა აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია.

სეულის მსოფლიო რელიგიების ალიანსის ყოველწლიური სამიტი მშვიდობის ფესტივალით დასრულდა.

2016 წლის 22 სექტემბერს წყალტუბოს მუნიციპალიტეტის გამგეობის შენობაში ჩატარდა საქართველოს ოკუპირებული ტერიტორიებიდან იძულებით გადაადგილებულ პირთა განსახლებისა და ლტოლვილთა სამინისტროს პროგრამის „დევნილთა საარსებო წყაროებზე ხელმისაწვდომობის გაზრდა“ ფარგლებში განხორციელებული და განსახორციელებელი პროექტების პრეზენტაცია.  შეხვედრას ესწრებოდნენ საქართველოს ოკუპირებული ტერიტორიებიდან იძულებით გადაადგილებულ პირთა განსახლებისა და ლტოლვილთა სამინისტროს ხელმძღვანელი პირები, ადგილობრივი მუნიციპალიტეტის ხელმძღვანელობა, იმერეთის, გურიის, რაჭა-ლეჩხუმისა და ქვემო სვანეთის რეგიონებსა და აჭარის ავტონომიურ რესპუბლიკაში აფხაზეთის ავტონომიური რესპუბლიკის მთავრობის წარმომადგენლობის ხელმძღვანელი და დევნილი საზოგადოების წარმომადგენლობები

აფხაზეთის ავტონომიური რესპუბლიკის განათლებისა და კულტურის მინისტრმა დიმიტრი ჯაიანმა და საქართველოს ბავშვთა და მოსწავლე-ახალგაზრდობის სპორტის ეროვნული ფედერაციის პრეზიდენტმა ლევან კიკალიშვილმა ხელი მოაწერეს 2017 წლის „სასკოლო სპორტული ოლიმპიადის“  ორგანიზების მობილურობის გასაუმჯობესებლად შემუშავებულ მემორანდუმს.

როგორც ცნობილია, საქართველოს სპორტისა და ახალგაზრდობის საქმეთა სამინისტროსა და საქართველოს ბავშვთა და მოსწავლე-ახალგაზრდობის სპორტის ეროვნული ფედერაციის მიერ მთელი ქვეყნის მასშტაბით ორგანიზებული 2016 წლის „სასკოლო სპორტული ოლიმპიადა“ წარმატებით დასრულდა.

ოლიმპიადაში მთელი ქვეყნის მასშტაბით მონაწილეობდა საქართველოს 64 მუნიციპალიტეტის 1200-ზე მეტი საჯარო და კერძო სკოლის 60000 ათასზე მეტი ორივე სქესისა და სხვადასხვა ასაკის მოსწავლე. გაიმართა 6000-ზე მეტი სპორტული შეჯიბრი, გამოვლინდნენ პერსპექტიული და ნიჭიერი ბავშვები, რომლებიც აიყვანეს ქვეყნის შესაბამის ასაკობრივ ნაკრებებში. 2016 წლის „სასკოლო სპორტულ ოლიმპიადაში“ წარმატებით იასპარეზეს ასევე აფხაზეთის საჯარო სკოლების მოსწავლეებმა.

2017 წლის „სასკოლო სპორტული ოლიმპიადის“ კიდევ უფრო მაღალ დონეზე ჩატარებისა და საშეჯიბრო სისტემის დახვეწის მიზნით,  საქართველოს ბავშვთა და მოსწავლე-ახალგაზრდობის სპორტის ეროვნულმა ფედერაციამ შეიმუშავა  „სასკოლო სპორტული ოლიმპიადის“ 2017 წლის განახლებული დებულება, ხოლო რეგიონებში ოლიმპიადის ორგანიზების მობილურობის გაუმჯობესების მიზნით  - ურთიერთთანამშრომლობის მემორანდუმი ადგილობრივი თვითმმართველობის ორგანოებთან.

დიმიტრი ჯაიანმა და ლევან კიკალიშვილმა მემორადუმის ხელმოწერამდე დაწვრილებით ისაუბრეს აფხაზეთის საჯარო სკოლების მოსწავლეების შესაბამისი მიღწევებზე და განიხილეს მომავალი თანმშრომლობის დეტალები. მემორანდუმის ხელმოწერის ცერემონიას ესწრებოდნენ აფხაზეთის ავტონომიური რესპუბლიკის განათლებისა და კულტურის მინისტრის პირველი მოადგილე მანანა ქვაჩახია და სამინისტროს განათლებისა და საგანმანათლებლო პროგრამების სამსახურის უფროსი ნინო ლობჟანიძე.

აფხაზეთის ავტონომიური რესპუბლიკის მთავრობის სახელით ვულოცავ სომეხ ხალხს, სომხეთის ხელისუფლებასა და საქართველოში სომხეთის რესპუბლიკის საგანგებო და სრულუფლებიან ელჩს მის აღმატებულება იური ვარდანიანს დამოუკიდებლობის აღდგენის 25 წლის იუბილეს. სომხეთის რესპუბლიკას ვუსურვებ მშვიდობასა და სტაბილურ განვითარებას, რომელიც ხელშემწყობ ფაქტორს წარმოადგენს როგორც შიდასახელმწიფოებრივი კეთილდღეობის, ასევე რეგიონში მშვიდობის და კეთილმეზობლური ურთიერთობების განმტკიცების საქმეში.

აფხაზეთის ვ. არქანიას სახელობის არტ-გალერეაში   თანამედროვე ხელოვნების გამოფენა -  სფუმატო გაიხსნა. გამოფენის ორგანიზატორები არიან აფხაზეთის ლიტერატურისა და ხელოვნების შემოქმედებითი კავშირი, საერთაშორისო მედიალაბორატორია CYLAND  და არტ-ცენტრი „ПУШКИНСКАЯ  -  10“.

გამოფენაზე ქართველ ხელოვნების მოყვარულებს სანკტ-პეტერბურგის თანამედროვე ხელოვნების უკეთ გაცნობის შესაძლებლობა მიეცათ.

მედია არტ ლაბორატორია CYLAND არის სამხატვრო ლაბორატორია, რომელმაც გააერთიანა მხატვრები, კრიტიკოსები, კურატორები, პროგრამისტები, ინჟინრები და მედია-აქტივისტები მთელი მსოფლიოდან. CYLAND-ი ვალერი არქანიას არტ-გალერეაში, „სფუმატო“-ს გამოფენაზე წარმოადგინეს ელენა გუბანოვას, ივან გოვორკოვის, ალექსანდრა დემენტევას, ლუდმილა ბელოვას, ანნა ფრანცის, ალექსანდრ ტერებენინის, ალექსანდრ შიშკინ-ხოკუსაის, სერგეი კომაროვის, ალექსეი გრაჩოვის, ვიტა ბუივიდ და ნატალია ლიახის ინსტალაციები.

არტ-ცენტრი „ПУШКИНСКАЯ - 10“ დამთვალიერებელს შესთავაზა ცნობილი პეტერბურგელი მხატვრებისა და ფოტოგრაფების - ანდრეი ჩეჟინის, ბორის სმელოვის, ალექსანდრე რეცის, ალექსანდრე სოკოლოვის, სერგეი ფალინის, სერგეი კოვალსკის, ანდრეი (ვილი) უსოვის ნამუშევრები.

გამოფენა გახსნა მხატვარმა, აფხაზეთის ავტონომიური რესპუბლიკის უმაღლესი საბჭოს დეპუტატმა ნუგზარ მგალობლიშვილმა, წარმოდგენილი ნამუშევრების არსსა და მნიშვნელობაზე ისაუბრა იულ რიბაკოვმა, ნონკონფორმისტული ხელოვნების ცენტრის ხელმძღვანელმა სანკტ-პეტერბურგში.

გამოფენის გახსნას აფხაზეთის ავტონომიური რესპუბლიკის განათლებისა და კულტურის მინისტრი დიმიტრი ჯაიანი, აფხაზეთის ავტონომიური რესპუბლიკის უმაღლესი საბჭოს დეპუტატები და ხელოვანები ესწრებოდნენ.

ვალერი არქანიას სახელობის არტ-გალერეაში აფხაზეთის ლიტერატურისა და ხელოვნების შემოქმედებითმა კავშირმა, საერთაშორისო ლაბორტორია „CYLAND"-მა და არტცენტრმა „ПУШКИНСКАЯ-10" თანამედროვე ხელოვნების გამოფენა - „სფუმატო" წარმოადგინა.

მედია არტ ლაბორატორია „CYLAND" არის სამხატვრო ლაბორატორია, რომელმაც გააერთიანა მხატვრები, კრიტიკოსები, კურატორები, პროგრამისტები, ინჟინრები და მედია-აქტივისტები მთელი მსოფლიოდან. „CYLAND"-მა „სფუმატო"-ს გამოფენაზე წარმოადგინა ელენა გუბანოვას, ივან გოვორკოვის, ალექსანდრა დემენტევას, ლუდმილა ბელოვას, ანნა ფრანცის, ალექსანდრ ტერებენინის, ალექსანდრ შიშკინ-ხოკუსაის, სერგეი კომაროვის და ალექსეი გრაჩოვის ინსტალაციები.

არტ-ცენტრმა „ПУШКИНСКАЯ-10" ექსპოზიციაზე ცნობილი პეტერბურგელი მხატვრებისა და ფოტოგრაფების ნამუშევრები წარმოადგინა, რომლებიც ექსპერიმენტებს ატარებენ  ფოტოგრაფიის ანალოგურ და ციფრულ შესაძლებლობებში. ფოტოგრაფია, როგორც რეალობის ფიქსაცია ფიზიკური და ქიმიური პროცესების დახმარებით ახდენს რეალობის ტრანსფორმაციას და ჩვენს თვალწინ ირაციონალური, პარალელური სივრცე წარმოიშვება. გამოფენაზე წარმოდგენილი იყო ანდრეი ჩეჟინის, ბორის სმელოვის, ალექსანდრე რეცის, ალექსანდრე სოკოლოვის, სერგეი ფალინის, სერგეი კოვალსკის, ანდრეი (ვილი) უსოვის ნამუშევრები.

გამოფენას აფხაზეთის ავტონომიური რესპუბლიკის განათლებისა და კულტურის მინისტრი დიმიტრი ჯაიანი, აფხაზეთის ავტონომიური რესპუბლიკის უმაღლესი საბჭოს დეპუტატები და ხელოვანი ადამიანები ესწრებოდნენ.

28 თებერვალს აფხაზეთის ა|რ სოფლის მეურნეობის, გარემოს დაცვისა და ბუნებრივი რესურსების დეპარტამენტის ორგანიზებით კოლხური ბზის გადარჩენის ეროვნული სამთავრობო სამოქმედო გეგმის შემუშავების ფარგლებში შედგა სამუშაო შეხვედრა თემაზე ,,კოლხური ბზის მავნებელ-დაავადებები და მათთან ბრძოლა”, რომელშიც მონაწილეობა მიიღეს საქართველოს გარემოს დაცვისა და ბუნებრივი სამინისტროს, სამეცნიერო და საექსპერტო წრეების, ამ სფეროში მომუშავე კომპანიებისა და არასამთავრობო ორგანიზაციების წარმომადგენლებმა
პრობლემის სიმწვავეზე მიუთებებს საქართველოს, მათ შორის აფხაზეთის ოკუპირებულ ტერიტორიაზე ბზის უნიკალური კორომების განადგურება ან მნიშვნელოვანი დაზიანება, რაც სამეცნიერო, სახელმწიფო და საზოგადოებრივი ორგანიზაციების მიერ ერთმნიშვნელოვნად ეკოლოგიურ კატასტროფად ფასდება. საუბარი შეეხებოდა ამ პრობლემის გამომწვევი კოლხური ბზის დაავადების – ბზის სიდამწვრე (გამომწვევი პათოგენური სოკო cylindrocladium buxikola) და საშიში მავნებელი პეპელა – ბზის ალურას (Cydalima perspectalis) წინააღმდეგ ბრძოლის ეფექტურ მეთოდებს.
საკითხის აქტუალობაზე აგრეთვე მიუთითებს ჟენევის დიალოგის ფორმატში აფხაზურმა დე-ფაქტო ხელისუფლების წარმომადგენლების მიერ გამოთქმული თანამშრომლობის სურვილი კოლხური ბზის გადარჩენის მიმართულებით.
სამუშაო შეხვედრაზე წარმოდგენილი იყო ეროვნული სატყეო სააგენტოს ტყის მოვლა- აღდგენის დეპარტამენტის მთავარი სპეციალისტის, ენტიმოლოგ გიორგი მამადაშვილის პრეზენტაცია: „საქართველოში კოლხური ბზის დაავადებების გავრცელების კუთხით არსებული ვითარება, მათთან ბრძოლის მეთოდები და ამ მიმართულებით სააგენტოს მიერ ჩატარებული კვლევები“ .
პრეზენტაციის შემდგომ გაიმართა საინტერესო და ნაყოფიერი დისკუსია, რომელზეც გამოითქვა არაერთი საინტერესო წინადადება და შენიშვნა ეროვნული სამთავრობო სამოქმედო გეგმის ფარგლებში მავნებელ-დაავადებასთან ბრძოლის მეთოდების (ბიოლოგიური და ქიმიური), მათი გამოყენების ეფექტური გზების, აფხაზეთის ა/რ მთავრობის სამოქმედო გეგმის იმპლემენტაციისას ჩართულობის სავარაუდო მიმართულებების შესახებ.
სამუშაო შეხვედრის მონაწილეებმა ერთხმად დააფიქსირეს, რომ აუცილებელი უნიკალური კოლხური ბზის გადარჩენის მიზნით ეფექტური ბრძოლის მეთოდების შემუშავება ფართო სპექტრის კვლევების ჩატარებისა და ინოვაციური მიდგომების გზით, ფინანსური, მატერიალური, ტექნიკური და ადამიანური რესურსების მაქსიმალური მობილიზაცია რეაგირების პროცესში,თავის მხრივ კი გამოთქვეს სურვილი თანამშრომლობისა და კოორდინირებული საქმიანობის, ასევე დაიგეგმა შემდგომი აქტივობები, რათა ყველა დაინტერესებულმა მხარემ თავისი წვლილი შეიტანოს ამ პრობლემის გადაჭრაში.

კავკასიის გარემოსდაცვითი არასამთავრობო ორგანიზაციების ქსელის (CENN) და კავშირი-ასოციაცია „აგორა"-ს მხარდაჭერით პროექტის „კოლხური ბზის საბაზისო სანერგე მეურნეობა" ფარგლებში განხორციელდა 500 კვ.მ  სათბურის ტექნიკური აღჭურვა და თანამშრომლების გადამზადება.

სსიპ „ გამწვანებისა და გარემოსდაცვითი პროექტების სააგენტოს" თანამშრომლებმა ტყიბულის რაიონის სოფელ მუხურაში ჯანსაღი კოლხური ბზის კორომებიდან კალმების აღება დაიწყეს, რის შემდეგაც ზუგდიდის რაიონის სოფელ რუხში, ამავე სააგენტოს გარემოს სამმართველოს სპეციალისტების მიერ მიმდინარეობს კალმების ჩარგვა.

ამ ეტაპზე დამზადებულია და ჩარგულია 15 000 კალამი, სულ იგეგმება 30000 ნერგის გამოყვანა.

რუხის სანერგე მეურნეობის მშენებლობა, რომელიც 480 კვადრატულ მეტრ ფართობს მოიცავს, აპრილის თვეში დაიწყო. პროექტის ორგანიზატორები არიან აფხაზეთის ავტონომიური რესპუბლიკის სოფლის მეურნეობის დეპარტამენტი, ეროვნული სატყეო სააგენტო, არასამთავრობო ორგანიზაციები „აგორა" და „სენი".

აფხაზეთის მთავრობის ინიციატივითა და ადგილობრივი ხელისუფლების მხარდაჭერით, ქალაქ ჯვარსა და წალენჯიხაში მცხოვრებ დევნილთათვის უფასო სამედიცინო გამოკვლევები ჩატარდა.

გამოკვლევები ორი დღის განმავლობაში მიმდინარეობდა და მასში თბილისის წამყვანი სამდიცინო კლინიკების სპეციალისტები მონაწილეობდნენ. ამ დღეების განამვლობაში მოქალაქეებმა მიიღეს  ოჯახის ექიმის, კარდიოლოგის, ნევროლოგის, ენდოკრინოლოგის, ოფთალმოლოგის, გინეკოლოგის, ქირურგის, ოტოლარინგოლოგისა და დერმატოლოგის მომსახურება.

გამოკვლევების მიმდინარეობას მონიტორინგს უწევდა აფხაზეთის ჯანმრთელობისა და სოციალური დაცვის მინისტრი ქეთევან ბაკარაძე.

ცნობილი ქართველი მოქანდაკე, ფერმწერი და გრაფიკოსი, საქართველოს დამსახურებული მხატვარი, რუსთაველის სახელობის სახელმწიფო პრემიის ლაურეატი მერაბ ისიდორეს ძე ბერძენიშვილი დაიბადა თბილისში 1929 წლის 10 ივნისს.

1956 წელს დაამთავრა თბილისის სამხატვრო აკადემია. მერაბ ბერძენიშვილი ძირითადად მუშაობდა მონუმენტური ქანდაკების დარგში. მისი ნამუშევრებია: "რუსთაველი" (თაბაშირი, 1956, სადიპლომო ნაშრომი, საქართველოს პარლამენტის ბიბლიოთეკა), "რუსთაველი" (ბრინჯაო, 1966, მოსკოვი), ვახტანგ გორგასლის ძეგლის პროექტი (1958, II პრემია);

მონუმენტები: დავით გურამიშვილი (თუჯი, 1965, თბილისი), გიორგი სააკაძე (ბრინჯაო, 1971, კასპი), მედეა (ბრინჯაო, 1968, ბიჭვინთის საკურორტო კომპლექსი), "მუზა" (ბრინჯაო, 1971, თბილისი), "კიდევაც დაიზრდებიან..." (ბრინჯაო, 1975, მარნეული, სსრკ სახელმწიფო პრემია, 1976), ლაოსის მეფის მონუმენტი (ბრინჯაო, 1975, ვიენტიანი, ლუანგ-პრაბანგი). 

პორტრეტები: ქართველი ქალი (ხე, 1958, რამდენიმე პრემია: 1960 მსოფლიო ახალგაზრდობის ფესტივალის დიპლომი), ლადო ქოქიაშვილი (ბრინჯაო, 1958), კოტე მარჯანიშვილი (დიურალუმინიუმი, 1966, თბილისი, მეტროს სადგური "მარჯანიშვილი"). 

მერაბ ბერძენიშვილი ასევე მუშაობდა გრაფიკისა და ფერწერის დარგში. აფორმებდა წიგნებს, ქმნიდა დაზგურ პორტრეტებს, თეატრალურ აფიშებსა და პლაკატებს.

აფხაზეთის ავტონომიური რესპუბლიკის მთავრობა ღრმა მწუხარებას გამოთქვამს დიდი ქართველი ხელოვანის მერაბ ბერძენიშვილის გარდაცვალების გამო და თანაუგრძნობს ოჯახს, ახლობლებსა და მისი შემოქმედების გულშემატკივრებს.

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის ავტონომიური რესპუბლიკის განათლებისა და კულტურის მინისტრი დიმიტრი ჯაიანი, მინისტრის პირველი მოადგილე მანანან ქვაჩახია და მინისტრის მოადგილე ბესიკ ოდიშარია სამეგრელოს რეგიონსა და თბილისში მდებარე აფხაზეთის საჯარო სკოლებს ესტუმრნენ და მოსწავლეებსა და მასწავლებლებს ახალი სასწავლო წლის დაწყება მიულოცეს.

საპატიო სტუმრებისათვის მოსწავლეებმა ქართულ და აფხაზურ ენებზე წაიკითხეს ლექსები და შეასრულეს სიმღერები.

მიმდინარე სასწავლო წლისთვის აფხაზეთის ავტონომიური რესპუბლიკის განათლებისა და კულტურის სამინისტროს ხელშეწყობით აფხაზეთის რამდენიმე საჯარო სკოლაში სარემონტო სამუშაოები ჩატარდა.

14 სექტემბერს აფხაზეთის ომის დრო დაღუპული 17 იდენტიფიცირებული მებრძოლის ცხედარი ლევან სამხარაულის სახელობის ექსპერტიზის ეროვნული ბიუროდან სამების საკათედრო ტაძარში გადაასვენეს, სადაც სამოქალაქო პანაშვიდს აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია დაესწრო.

დღეს, სამების საკათედრო ტაძარში საქართველოს ტერიტორიული მთლიანობისათვის ბრძოლაში დაღუპულ მებრძოლთა ხსოვნას კიდევ ერთხელ პატივი მიაგეს აფხაზეთის ავტონომიური რესპუბლიკის უმაღლესი საბჭოს თავმჯდომარემ ელგუჯა (გია) გვაზავამ, აფხაზეთის ავტონომიური რესპუბლიკის მთავრობის წევრებმა და აფხაზეთის ავტონომიური რესპუბლიკის უმაღლესი საბჭოს დეპუტატებმა.

დაღუპული მებრძოლებიდან 12-ს დღეს დიღმის ძმათა სასაფლაოზე დაკრძალავენ, ხოლო 5 მათგანს ოჯახები საკუთარ რაიონებში გადაასვენებენ.

2010 წელს წითელი ჯვრის ეგიდით შეიქმნა ორმხრივი საკოორდინაციო ჯგუფი, რომელიც 1992-1993 წლებში ქართულ-აფხაზური კონფლიქტის შედეგად უგზო-უკვლოდ დაკარგულთა მოძიების საკითხებს შეისწავლის. მოლაპარაკების შედეგად გადაწყდა სამარხების გახსნა როგორც ოკუპირებული აფხაზეთის, ისე საქართველოს დანარჩენ ტერიტორიაზე.