აფხაზეთის სულიერებისა და კულტურის ცენტრის ორგანიზებით ცნობილი საზოგადო მოღვაწის, აფხაზური ლიტერატურისა და ისტორიოგრაფიის ფუძემდებლის დიმიტრი გულიას დაბადების დღისადმი მიძღვნილი საღამო „მეგობრობის მომღერალი - ივანე თარბა" გაიმართა.

საღამოზე ცენტრის ხელმძღვანელმა ირინა ქეცბამ წაიკითხა ივანე თარბას მიერ დიმიტრი გულიასადმი მიძღვნილი ლექსი „სკამი პოეტისა". დიმიტრი გულიას შემოქმედებაზე სოხუმის სახელმწიფო უნივერსიტეტის პროფესორმა მარინა ტურავამ ისაუბრა. აფხაზეთის მე-2 საჯარო სკოლის მოსწავლეებმა მარიამ ჯობავამ და ანანო კუხალაშვილმა პოეტის ლექსებიქართულ და აფხაზურ ენებზე წაიკითხეს.

ღონისძიებას აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის ავტონომიური რესპუბლიკის უმაღლესი საბჭოს დეპუტატები, აფხაზეთის ავტონომიური რესპუბლიკის მთავრობის თავმჯდომარის მრჩეველი პეტრე კანკავა და დევნილი საზოგადოება ესწრებოდნენ.

დიმიტრი გულია1874 წლის 21 თებერვალს გულრიფშის რაიონის სოფელ უარჩაში დაიბადა. დაამთავრა გორის საოსტატო სემინარია.1924-1926 წლებში აფხაზურ ენას ასწავლიდა თბილისის სახელმწიფო უნივერსიტეტში. დიდია დიმიტრი გულიას ღვაწლი აფხაზური ენისა და კულტურის განვითარებაში. მისი კულტურულ-საგანმანათლებლო და სამწერლო მოღვაწეობა ფართო და მრავალმხრივი იყო. 1892 წელს კ. მაჭავარიანთან ერთად რუსული გრაფიკის საფუძველზე შეადგინა აფხაზური ანბანი.

დიმიტრი გულიამ აფხაზურ ენაზე თარგმნა შოთა რუსთაველის „ვეფხისტყაოსანი", ილია ჭავჭავაძისა და აკაკი წერეთლის ლექსები. 1919-1920 წლებში გულია პირველი აფხაზური გაზეთის „აფსნის" რედაქტორი იყო. 1921 წელს მან პირველი აფხაზური თეატრალური დასი ჩამოაყალიბა.

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია საქართველოში უკრაინის საგანგებო და სრულუფლებიან ელჩ იგორ დოლგოვსა და უკრაინის სახალხო დეპუტატს, ყირიმელი თათრების მეჯლისის თავმჯდომარე რეფატ ჩუბაროვს შეხვდა. შეხვედრა გაცნობით ხასიათს ატარებდა.

აფხაზეთის მთავრობის თავმჯდომარემ და უკრაინელმა სტუმრებმა გაცვალეს ინფორმაცია ორი ქვეყნის ოკუპირებულ ტერიტორიებზე არსებულ ვითარებასთან დაკავშირებით, განიხილეს მათი გადაჭრის გზები. განსაკუთრებული ყურადღება გამახვილდა ადამიანის ფუნდამენტური უფლებების დარღვევის ფაქტებზე, აგრეთვე ადგილობრივი მოსახლეობის სოციალურ-ეკონომიკურ მდგომარეობაზე.

განიხილეს სამომავლო თანამშრომლობისა და ერთობლივი პროექტების განხორციელების შესაძლებლობა.  

უკრაინის ელჩმა კიდევ ერთხელ დაადასტურა უკრაინის მთავრობის მტკიცე პოზიცია საქართველოს ოკუპირებული ტერიტორიების არაღიარებისა და ტერიტორიული მთლიანობის პოლიტიკის მიმართ.

შეხვედრას აფხაზეთის ავტონომიური რესპუბლიკის მთავრობის თავმჯდომარის მრჩეველი პეტრე კანკავა და აფხაზეთის ავტონომიური რესპუბლიკის მთავრობის აპარატის საერთაშორისო და არასამთავრობო ორგანიზაციებთან ურთიერთობის სამსახურის უფროსი დავით გახარია ესწრებოდნენ.

აფხაზეთის სულიერებისა და კულტურის ცენტრის ორგანიზებითა და მხარდაჭერით ჯუმბერ ბეთაშვილის სახელობის აფხაზეთის მე-2 საჯარო სკოლის მოსწავლეთათვის მწერალ გურამ დოჩანაშვილთან შეხვედრა გაიმართა.

ღონისძიებას აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის სულიერებისა და კულტურის ცენტრის ხელმძღვანელი ირინა ქეცბა , აფხაზეთიდან დევნილი პედაგოგები,  აფხაზეთის მთავრობის აპარატისა და  აფხაზეთის სულიერებისა და კულტურის ცენტრის წარმომადგენლები ესწრებოდნენ.

ვახტანგ ყოლბაიამ დამსწრე საზოგადოებას სიტყვით მიმართა და გურამ დოჩანაშვილის ღვაწლზე ისაუბრა.

მე-2 საჯარო სკოლის  მოსწავლეებმა მინი-სპექტაკლი მოთხრობიდან „მთის გადაღმა"  წარმოადგინეს. ასევე, წაიკითხეს გურამ დოჩანაშვილის შესახებ ბიოგრაფიული ცნობები და  ამონარიდები მისი შემოქმედებიდან.

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ სამუშაო შეხვედრა გამართა ფონდ „მოძრაობა შიმშილის წინააღმდეგ" რეგიონალურ დირექტორ მარსელა მაქსფილდთან.

მთავრობის თავმჯდომარემ ისაუბრა ოკუპირებულ აფხაზეთში შავი ზღვის სანაპირო ზოლიდან და მდინარეების კალაპოტიდან დიდი რაოდენობით ინერტული მასალის გატანის შესახებ, რამაც უდიდესი ზიანი მიაყენა გარემოს და რეგიონის ეკოლოგიური ვითარება დაამძიმა. აღინიშნა სასწრაფო ზომების მიღების საჭიროება რათა სიტუაცია კიდევ უფრო არ დამძიმდეს და თავიდან იქნას აცილებული ეკოლოგიური კატასტროფა.

განსაკუთრებული ყურადღება გამახვილდა აზიური ფაროსანას მიერ გალის რაიონის მოსახლეობისთვის მიყენებულ ზიანზე.

„სამწუხაროა, რომ ისედაც ეკონომიკურად დასუსტებული და უკიდურესად რთულ ვითარებაში მყოფი ქართული მოსახლეობის ფინანსური მდგომარეობა კიდევ უფრო გაუარესდა მავნებელი მწერის მიერ მოსავლის თითქმის სრულად გაანადგურებით.

საჭიროა ამ მიმართულებით ქმედითი ნაბიჯების გადადგმა და საერთაშორისო რესურსების მობილიზაცია. მნიშვნელოვანია მეგობარი ქვეყნების გამოცდილების გაზიარება. აუცილებელია მოსახლეობის ცნობიერების ამაღლება, ტრეინინგებისა და სემინარების გამართვა. ქართველი და აფხაზი სპეციალისტების მონაწილეობით გამოსავლის მოძებნა და მავნებლის დამარცხება", -განაცხადა ვახტანგ ყოლბაიამ.

შეხვედრაზე აღინიშნა ამერიკული თეთრი პეპლის დამარცხების კუთხით გატარებული ღონისძიებები, რამაც ხელშესახებად დადებითი შედეგი გამოიღო. ეს მაგალითი იმედს იძლევა, რომ აზიური ფაროსანას წინააღმდეგ ბრძოლაც წარმატებით დასრულდება.

მთავრობის თავმჯდომარემ ხაზი გაუსვა კოლხური ბზის გადარჩენის მიზნით მიღწეულ წარმატებებს. ასევე ბზის გადარჩენის ისტორიულ მნიშვნელობას ქართველებისა და აფხაზებისთვის. სპეციალისტების მიერ სათბურში გამოყვანილი ათასამდე ბზის ნერგი სკოლის მოსწავლეებს დაურიგდებათ, რომელიც შემდგომში ქართველი და აფხაზი ახალგაზრდების მიერ აფხაზეთის მთელ ტერიტორიაზე გაშენდება.

შეხვედრას აფხაზეთის ავტონომიური რესპუბლიკის სოფლის მეურნეობის, გარემოს დაცვისა და ბუნებრივი რესურსების დეპარტამენტის თავმჯდომარე ვალერი ბასარია, აფხაზეთის ავტონომიური რესპუბლიკის მთავრობის თავმჯდომარის მრჩეველი პეტრე კანკავა და აფხაზეთის ავტონომიური რესპუბლიკის მთავრობის აპარატის საერთაშორისო და არასამთავრობო ორგანიზაციებთან ურთიერთობის სამსახურის უფროსი დავით გახარია ესწრებოდნენ.

სამტრედიის მუნიციპალიტეტის სხდომათა დარბაზში იმერეთის გუბერნატორმა გივი ჭიჭინაძემ, აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ და ადგილობრივი ტერიტორიული  ერთეულების ხელმძღვანელებმა სამხარეო საკონსულტაციო საბჭოს ერთობლივ სხდომაზე დღის წესრიგის ერთ-ერთ საკითხად შეტანილი იმერეთის მხარეში მცხოვრები აფხაზეთიდან დევნილი მოსახლეობის მდგომარეობა განიხილეს.

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ  სხდომის მონაწილეებს 2015-2017 წლებში აფხაზეთის მთავრობის მიერ გაწეული  საქმიანობის შესახებ ინფორმაცია მიაწოდა  და 2018-2020  წლების სამოქმედო გეგმა გააცნო.

დევნილთა პრობლემების და მათი მოგვარების გზების პრეზენტაცია გამართა იმერეთის რეგიონში აფხაზეთის ავტონომიური რესპუბლიკის მთავრობის წარმომადგენლობის ხელმძღვანელმა ზაზა ჩაჩავამ. მან იმერეთის რეგიონში  მცხოვრები აფხაზეთიდან იძულებით გადაადგილებული მოსახლეობის სოციალურ-ეკონომიკური მდგომარეობისა და ყოფითი პრობლემების ანალიზი წარმოადგინა. ისაუბრა ადგილობრივი ხელისუფლებისა და ლტოლვილთა და განსახლების სამინისტროს მიერ აფხაზეთის მთავრობასთან ერთად გადადგმული ნაბიჯების შესახებ. შეხვედრაზე განიხილეს იმერეთის სხვადასხვა ქალაქებში დევნილთა წინაშე არსებული ლოკალური პრობლემები, აღინიშნა დადებითი ტენდენციები დევნილთა  მდგომარეობის გაუმჯობესების კუთხით. ასევე, განხილულ იქნა მიმდინარე და სამომავლოდ განსახორციელებელი პროექტები.

არსებულ მდგომარეობასთან დაკავშირებით ისაუბრეს საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის მოადგილე მამუკა ცოტნიაშვილმა და საქართველოს თავდაცვის მინისტრის მოადგილე ზაალ კაპანაძემ.

„მივესალმები და მინდა მადლობა გადავუხადო იმერეთის გუბერნატორს, მუნიციპალიტეტების ხელმძღვანელობას, თავდაცვის მინისტრის მოადგილე ზაალ კაპანაძეს და დევნილთა და განსახლების მინისტრის მოადგილე მამუკა ცოტნიაშვილს აფხაზეთიდან დევნილ მოსახლეობაზე ზრუნვისა და თანადგომისთვის, რომელთა მიმართ ყურადღება იზრდება. მოხარული ვარ, რომ ჩვენი მიზნები თანხვედრაშია დევნილთა სოციალურ-ეკონომიკური პირობების გასაუმჯობესებლად. - განაცხადა ვახტანგ ყოლბაიამ.

სხდომაზე შემაჯამებელი სიტყვა იმერეთის მხარის გუბერნატორმა გივი ჭიჭინაძემ წარმოთქვა.

შეხვედრას აფხაზეთის ავტონომიური რესპუბლიკის მთავრობის წევრები, მთავრობის თავმჯდომარის მრჩევლები, მთავრობის აპარატის ხელმძღვანელი, იმერეთის რეგიონის გუბერნატორის პირველი მოადგილე, ვიცე-გუბერნატორი, იმერეთის მუნიციპალიტეტების მერები და საკრებულოს თავმჯდომარეები ესწრებოდნენ.

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია საქართველოში გერმანიის ფედერაციული რესპუბლიკის საგანგებო და სრულუფლებიან ელჩ ჰაიკე ფაიჩს შეხვდა. შეხვედრა გაცნობით ხასიათს ატარებდა.

მთავრობის თავმჯდომარემ გერმანელ დიპლომატს მიაწოდა ინფორმაცია აფხაზეთის ავტონომიური რესპუბლიკის მთავრობის სტრუქტურებისა და მათი საქმიანობის შესახებ. ასევე ოკუპირებულ აფხაზეთში არსებულ პრობლემებზე, მათ შორის გალის რაიონში მცხოვრები ქართველი მოსახლეობის იძულებით პასპორტიზაციაზე, ქართულ ენაზე განათლების მიღების აკრძალვაზე, მდინარე ენგურზე არსებული გადასასვლელების დახურვასა და გაუარესებულ სოციალურ-ეკონომიკურ მდგომარეობაზე. ისაუბრეს ოკუპირებულ აფხაზეთში არსებულ ეკოლოგიურ პრობლემებზე.

თავის მხრივ გერმანიის ფედერაციული რესპუბლიკის ელჩმა კიდევ ერთხელ დაადასტურა მისი ქვეყნის მთავრობის მტკიცე მხარდაჭერა საქართველოს ოკუპირებული ტერიტორიების არაღიარებისა და ტერიტორიული მთლიანობის პოლიტიკის მიმართ.

შეხვედრას აფხაზეთის ავტონომიური რესპუბლიკის მთავრობის აპარატის საერთაშორისო და არასამთავრობო ორგანიზაციებთან ურთიერთობის სამსახურის უფროსი დავით გახარია ესწრებოდა.

სასტუმრო რადისონში საერთაშორისო კონფერენცია „რელიგია და საზოგადოებრივი ცხოვრება" გაიხსნა, რომელიც საქართველოს მართლმადიდებელ ეკლესიაში შეჩერებული ავტოკეფალური მმართველობის აღდგენის 100 წლისთავს უკავშირდება. ღონისძიებაზე წარმოდგენილი იყო ამ მოვლენისადმი მიძღვნილი გამოფენა.

კონფერენციის გახსნას აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია და აფხაზეთის ავტონომიური რესპუბლიკის მთავრობის წევრები ესწრებოდნენ.

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია საქართველოში საფრანგეთის რესპუბლიკის საგანგებო და სრულუფლებიან ელჩ პასკალ მენიეს შეხვდა. შეხვედრა გაცნობით ხასიათს ატარებდა.

მთავრობის თავმჯდომარემ ისაუბრა ოკუპირებულ აფხაზეთში ე.წ. გადასასვლელების დახურვის შედეგად ადგილობრივი მოსახლეობის სოციალურ-ეკონომიკური მდგომარეობის გაუარესების საკითხზე. ასევე აზიური ფაროსანას მიერ გალის რაიონის მოსახლეობისათვის მიყენებულ ზიანზე. განიხილეს გალის რაიონში ადამიანის უფლებების დარღვევის ფაქტები, მათ შორის მშობლიურ, ქართულ ენაზე განათლების მიღების აკრძალვასა და იძულებითი პასპორტიზაციით გამოწვეულ პრობლემებზე.

განსაკუთრებული ყურადღება გამახვილდა ოკუპირებულ ტერიტორიაზე მცხოვრები ახალგაზრდებისთვის კვალიფიციური და ხარისხიანი განათლების მიღების აუცილებლობაზე. ხაზი გაესვა ერთობლივი კულტურული და სპორტული ღონისძიებების გამართვის მნიშვნელოვან როლს ქართველებისა და აფხაზების დაახლოების პროცესში.

შეხვედრას აფხაზეთის ავტონომიური რესპუბლიკის მთავრობის თავმჯდომარის მრჩეველი პეტრე კანკავა და აფხაზეთის ავტონომიური რესპუბლიკის მთავრობის აპარატის საერთაშორისო და არასამთავრობო ორგანიზაციებთან ურთიერთობის სამსახურის უფროსი დავით გახარია ესწრებოდნენ.

ზუგდიდში USAID-ის დემოკრატიული ჩართულობის ცენტრში აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ 2015-2017 წლებში აფხაზეთის ავტონომიური რესპუბლიკის მთავრობის მიერ გაწეული საქმიანობის ანგარიში და 2018-2020 წლების სამოქმედო გეგმა წარადგინა.

ანგარიშში ყურადღება გამახვილდა აფხაზეთის მთავრობის პრიორიტეტულ მიმართულებებზე. ვახტანგ ყოლბაიამ ხაზი გაუსვა სამშვიდობო პოლიტიკის, ჯანდაცვის, განათლების, სპორტის, სოფლის მეურნეობისა და გარემოს დაცვის კუთხით გადადგმულ მნიშვნელოვან ნაბიჯებს. აღინიშნა აფხაზეთის მთავრობის მიერ განხორციელებული პროექტები და მათი მნიშვნელობა.

პრეზენტაციის შემდეგ დისკუსია კითხვა-პასუხის რეჟიმში გაგრძელდა.

ღონისძიებას აფხაზეთის ავტონომიური რესპუბლიკის უმაღლესი საბჭოს თავმჯდომარე ელგუჯა გვაზავა, აფხაზეთის ავტონომიური რესპუბლიკის მთავრობის წევრები და უმაღლესის საბჭოს დეპუტატები, ადგილობრივი ხელისუფლების წარმომადგენლები, ევროკავშირის სადამკვირვებლო მისიის წარმომადგენლები, არასამთავრობო ორგანიზაციების წარმომადგენლები და აფხაზეთის ავტონომიური რესპუბლიკის მთავრობის სტრუქტურების წარმომადგენლები ესწრებოდნენ.

საქართველოს პარლამენტში ტერიტორიული მთლიანობის აღდგენის საკითხთა დროებითი კომისიის სხდომა გაიმართა. სხდომაზე აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ 2015-2017 წლებში აფხაზეთის ავტონომიური რესპუბლიკის მთავრობის მიერ გაწეული საქმიანობის ანგარიში და 2018-2020 წლების სამოქმედო გეგმა წარადგინა.

ვახტანგ ყოლბაიამ ყურადღება გაამახვილა ისეთ პრიორიტეტულ მიმართულებებზე როგორიცაა, სამშვიდობო პოლიტიკა, ჯანმრთელობისა და სოციალური დაცვა, განათლება, სპორტი, სოფლის მეურნეობა და გარემოს დაცვა. აღინიშნა აფხაზეთის მთავრობის მიერ განხორციელებული პროექტები და მათი მნიშვნელობა.

მთავრობის თავმჯდომარის თქმით, აფხაზეთის ავტონომიური რესპუბლიკის მთავრობის მთავარ ამოცანას აფხაზეთიდან იძულებით გადაადგილებულ პირებზე ზრუნვა და მათი უფლებების დაცვა წარმოადგენს. მნიშვნელოვანია მათთვის საკუთარ სახლებში ღირსეული და მშვიდობიანი დაბრუნებისთვის შესაბამისი საფუძვლის შექმნა და მორალური განწყობის ამაღლება.

ვახტანგ ყოლბაიას განცხადებით განსაკუთრებულ მზრუნველობას, ყურადღებასა და მხარდაჭერას ოკუპირებულ ტერიტორიაზე დარჩენილი ქართველი მოსახლეობა საჭიროებს, რადგან გალის ქართველ მოსახლეობა აფხაზებისა და ქართველების  შერიგების ერთგვარ ხიდს წარმოადგენს.

მთავრობის თავმჯდომარემ დეპუტატების წინაშე აფხაზეთის მთავრობის სამომავლო გეგმებზეც ისაუბრა და სამოქმედო გეგმა წარმოადგინა.

მოხსენების შემდეგ მუშაობა კითხვა-პასუხის რეჟიმში გაგრძელდა.

ღონისძიებას აფხაზეთის ავტონომიური რესპუბლიკის უმაღლესი საბჭოს თავმჯდომარე ელგუჯა გვაზავა, საქართველოს საკანონმდებლო და აღმასრულებელი ხელისუფლების წარმომადგენლები, აფხაზეთის ავტონომიური რესპუბლიკის მთავრობის წევრები და უმაღლესის საბჭოს დეპუტატები, საერთაშორისო და ადგილობრივი არასამთავრობო ორგანიზაციების წარმომადგენლები და აფხაზეთის ავტონომიური რესპუბლიკის მთავრობის სტრუქტურების წარმომადგენლები ესწრებოდნენ.

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია საქართველოში შვედეთის საგანგებო და სრულუფლებიან ელჩ მარტინა ქუიკს შეხვდა.

შეხვედრა გაცნობით ხასიათს ატარებდა. მთავრობის თავმჯდომარემ ელჩს მიაწოდა ინფორმაცია ოკუპირებულ აფხაზეთში არსებულ მდგომარეობაზე.  ისაუბრეს    ეთნიკური ქართველების ფუნდამენტური უფლებების დარღვევის ფაქტებზე, მათ მძიმე სოციალურ-ეკონომიკურ მდგომარეობაზე და აფხაზეთში არსებულ  ეკოლოგიურ პრობლემებზე.

შეხვედრაზე ასევე განიხილეს განათლებისა და  კულტურის სფეროებში შესაძლო განსახორციელებელი ერთობლივი პროექტები, რომლებიც ხელს შეუწყობენ ქართველი და აფხაზი მოზარდების დაახლოებას, მათ შორის ურთიერთობების გაღრმავებას, შევედეთში განათლების გაგძელებისა და საზაფხულო  ბანაკების  მოწყობის შესაძლებლობებს.

თავის მხრივ შვედეთის  ელჩმა კიდევ ერთხელ დაადასტურა შვედეთის  მთავრობის მტკიცე პოზიცია საქართველოს ოკუპირებული ტერიტორიების არაღიარებისა და ტერიტორიული მთლიანობის პოლიტიკის მიმართ და  სამომავლო თანამშრომლობის სურვილი გამოთქვა.

შეხვედრას აფხაზეთის ავტონომიური რესპუბლიკის მთავრობის თავმჯდომარის მრჩეველი პეტრე კანკავა და აფხაზეთის ავტონომიური რესპუბლიკის მთავრობის აპარატის საერთაშორისო და არასამთავრობო ორგანიზაციებთან ურთიერთობის სამსახურის უფროსი დავით გახარია ესწრებოდნენ.

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ საქართველოს საპატრიარქოს რეკომენდაციით, სსიპ აფხაზეთის სულიერებისა და კულტურის ცენტრის ხელმძღვანელად ირინა ქეცბა დანიშნა და კოლექტივს წარუდგინა. ირინა ქეცბა წლების განმავლობაში ამავე ცენტრის თანამშრომელი გახლდათ.

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია საერთაშორისო ორგანიზაცია „World Vision"-ის სამხრეთ კავკასიის ოფისის დირექტორ ჰანს ბედერსკის შეხვდა.

შეხვედრაზე ორგანიზაციის წარმომადგენლებმა მთავრობის თავმჯდომარეს მიაწოდეს ინფორმაცია მათი საქმიანობისა და განხორციელებული პროექტების შესახებ. საუბარი შეეხო ოკუპირებულ აფხაზეთში განათლებისა და ჯანდაცვის სფეროში არსებულ ვითარებას, განსაკუთრებული ყურადღება გამახვილდა შშმ მოზარდების პრობლემებზე და ჯანდაცვის სფეროში მომუშავე ფსიქოლოგებისა და თერაპევტების გადამზადების აუცილებლობაზე. ვახტანგ ყოლბაიამ ხაზი გაუსვა გალის რაიონში მშობლიურ ენაზე განათლების მიღების აკრძალვის საკითხს და ეს ფაქტი ადამიანის ფუნდამენტური უფლებების დარღვევად შეაფასა.

შეხვედრაზე შეთანხმდნენ ურთიერთობების გააქტიურებაზე და დევნილებისთვის სამომავლოდ განსახორციელებელ ერთობლივ პროექტებზე, რომელიც მეტად იქნება ორიენტირებული როგორც ოკუპირებული აფხაზეთის ტერიტორიაზე მცხოვრები ისე დევნილობაში მყოფი მოზარდებისა და ახალგაზრდების კეთილდღეობაზე.

შეხვედრას აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრი ქეთევან ბაკარაძე, „World Vision საქართველოს" ოფისის პროგრამების დირექტორი ეკა ჟვანია, აფხაზეთის ავტონომიური რესპუბლიკის მთავრობის თავმჯდომარის მრჩეველი პეტრე კანკავა და აფხაზეთის ავტონომიური რესპუბლიკის მთავრობის აპარატის საერთაშორისო და არასამთავრობო ორგანიზაციებთან ურთიერთობის სამსახურის უფროსი დავით გახარია ესწრებოდნენ.

აფხაზეთის სულიერებისა და კულტურის ცენტრის ორგანიზებით აფხაზეთის ავტონომიური რესპუბლიკის განათლებისა და კულტურის სამინისტროს ვალერი არქანიას სახელობის არტ-გალერეაში სანოტო კრებულისა და დისკის „15 აფხაზური სიმღერა" პრეზენტაცია გაიმართა. საღამო საქართველოსა და აფხაზეთის ხელოვნების დამსახურებული მოღვაწის სვეტლანა ქეცბას  ხსოვნას მიეძღვნა.

საღამოში მონაწილეობდნენ: მუსიკოლოგიის დოქტორი, სანოტო კრებულის რედაქტორი ნინო კალანდაძე-მახარაძე, საქართველოს კომპოზიტორთა კავშირის თავმჯდომარე გიორგი შავერზაშვილი, საქართველოს მუსიკალური საზოგადოების თავმჯდომარე მანანა ახმეტელი და ანსამბლი „აფხაზეთი" ლევან ღვინჯილიას ხელმძღვანელობით.

ღონისძიებას აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის ავტონომიური რესპუბლიკის უმაღლესი საბჭოს თავმჯდომარე ელგუჯა გვაზავა, ომიური რესპუბლიკის განათლებისა და კულტურის მინისტრი მანანა ქვაჩახია, აფხაზეთის ავტონომიური რესპუბლიკის უმაღლესი საბჭოს დეპუტატები, აფხაზეთის სულიერებისა და კულტურის ცენტრის თავმჯდომარის მოაგილე დეკანოზი ბიძინა გუნია, მიტროპოლიტი დანიელი, აფხაზეთის სულიერებისა და კულტურის ცენტრის თანამშრომლები, ხელოვნების მოღვაწეები, ახლობლები, მეგობრები და დევნილი საზოგადოება ესწრებოდნენ.

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია ბრიტანული ჰუმანიტარული ორგანიზაცია „ჰალო ტრასტის" საქართველოში წარმომადგენლობის პროგრამების მენეჯერ ირაკლი ჭითანავას შეხვდა. შეხვედრას აფხაზეთის ავტონომიური რესპუბლიკის მთავრობის თავმჯდომარის მრჩეველი პეტრე კანკავა ესწრებოდა.

შეხვედრაზე საუბარი შეეხო აფხაზეთში „ჰალო ტრასტის" მიერ გაწეულ საქმიანობას. 1997 წლიდან  ორგანიზაციის მიერ  აფხაზეთის ტერიტორიაზე განადგურდა 90,363 სხვადასხვა სახის საბრძოლო მასალა, გაიწმინდა 365 დანაღმული ველი, აღდგა 24 ხიდი, რამაც იქ მცხოვრებ ადამიანებს უსაფრთხო გადაადგილების საშუალება მისცა ხოლო დასუფთავებული ტერიტორიები გადაეცა ადგილობრივ მოსახლეობას.

„ეს არის უნიკალური პროექტი, ნდობის აღდგენის ერთ-ერთი საუკეთესო მაგალითი, როდესაც  ოკუპირებულ აფხაზეთში მცხოვრები ქართველები და აფხაზები ერთად ქმნიან უსაფრთხო გარემოს ადგილობრივი მოსახლეობისთვის" - აღნიშნა ვახტანგ ყოლბაიამ.