აფხაზეთის ავტონომიური რესპუბლიკის მთავრობა
Аҧснытәи автономтә республика аиҳабыра
ცხელი ხაზი 143
მთავრობის აპარატი
განათლებისა და კულტურის სამინისტრო
ჯანმრთელობისა და სოციალური დაცვის სამინისტრო
ფინანსთა და ეკონომიკის სამინისტრო
იძულებით გადაადგილებულ პირთა სამინისტრო
იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატი
წარმომადგენლობა ზემო აფხაზეთში
მთავრობის აპარატი
აფხაზეთი ავტონომიური რესპუბლიკის მთავრობის ინიციატივით, კორონავირუსის გავრცელებასთან დაკავშირებით, თბილისში დევნილი მოსახლეობისთვის სურსათის გაცემა დაიწყო. კომპაქტურ ჩასახლებაში მცხოვრებ 70 წელს გადაცილებულ აფხაზეთიდან დევნილებს პირველადი მოხმარების საკვები პროდუქტები, სააღდგომო ნობათი და აფხაზეთის ავტონომიური რესპუბლიკის მთავრობის სანერგე მეურნეობაში გამოყვანილი კოლხური ბზის ნერგი გადაეცემათ.
სასურსათო აქცია აფხაზეთის ავტონომიური რესპუბლიკიდან იძულებით გადაადგილებულ პირთა-დევნილთა სამინისტროს ორგანიზებით მომავალ დღეებშიც გაგრძელდება და დახმარებას კომპაქტურად ჩასახლებული 70 წელს გადაცილებული განსაკუთრებული რისკის ჯგუფში შემავალი 4060 დევნილი მიიღებს.
აფხაზეთიის ავტონომიური რესპუბლიკის მთავრობის ინიციატივით, კორონავირუსის გავრცელებასთან დაკავშირებით, იმერეთის რეგიონში მცხოვრები დევნილი მოსახლეობისთვის სურსათის გადაცემა მიმდინარეობას. პირველადი მოხმარების საკვები პროდუქტი და სააღდგომო ნობათი წყალტუბოს კომპაქტურ ჩასახლებაში მცხოვრებ 70 წელს გადაცილებულ აფხაზეთიდან დევნილ 270 ადამიანს გადაეცა.
სასურსათო აქცია მომავალი დღეების განმავლობაშიც გაგრძელდება და იმერეთის რეგიონში დახმარებას 1456 ბენეფიციარი მიიღებს.
ღონისძიება აფხაზეთის ავტონომიური რესპუბლიკიდან იძულებით გადაადგილებულ პირთა-დევნილთა სამინისტროს ჩართულობით იმართება.
დღეს აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე ქალაქ ზუგდიდში იმყოფებოდა, სადაც ბარამიას ქუჩაზე, დევნილთა კომპაქტურ ჩასახლებაში მცხოვრებ 70 წელს გადაცილებულ ბენეფიციარებს, რომლებიც განსაკუთრებული რისკის ჯგუფს მიეკუთვნებიან, პირველადი მოხმარების სასურსათო პროდუქტი და სააღდგომო ნობათი გადასცა.
ბარამიას ქუჩაზე ასევე იმყოფებოდნენ სამეგრელო-ზემო სვანეთის რეგიონის სახელმწიფო რწმუნებულის პირველი მოადგილე მალხაზ თორია, რწმუნებულის მოადგილეები ნინო ვიბლიანი და დავით ვერავა, ზუგდიდის მერი გიორგი შენგელია, აფხაზეთის ავტონომიური რესპუბლიკის მთავრობის თავმჯდომარის მოადგილე ანზორ მარგიანი, აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრი ქეთევან ბაკარაძე და აფხაზეთის ავტონომიური რესპუბლიკიდან იძულებით გადაადგილებულ პირთა-დევნილთა მინისტრის პირველი მოადგილე გურამ მისაბიშვილი.
დღესვე აფხაზეთის ავტონომიური რესპუბლიკის მთავრობის წარმომადგენლები კომბინატის დასახლებაში იმყოფებოდნენ და დევნილ ბენეფიციარებს სურსათი და სააღდგომო ნობათი მიუტანეს.
აფხაზეთის ავტონომიური რესპუბლიკის მთავრობის ორგანიზებით სასურსათო აქცია მომდევნო დღეების განმავლობაშიც გაგრძელდება. პირველადი მოხმარების სასურსათო პროდუქტს სამეგრელოს რეგიონის მასშტაბით (ქალაქი ზუგდიდი, ქალაქი ფოთი, ზუგდიდის, წალენჯიხის, ჩხოროწყუს, მარტვილის, სენაკის, აბაშისა და ხობის მუნიციპალიტეტები) 70 წელს გადაცილებული 2725 ბენეფიციარი მიიღებს.
აქცია აფხაზეთის ავტონომიური რესპუბლიკიდან იძულებით გადაადგილებულ პირთა-დევნილთა სამინისტროს ჩართულობით იმართება.
აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე, აფხაზეთის ავტონომიური რესპუბლიკის მთავრობის თავმჯდომარის მოადგილე ანზორ მარგიანი და აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრი ქეთევან ბაკარაძე ენგურის ხიდზე იმყოფებოდნენ, სადაც ზუგდიდის დევნილთა პოლიკლინიკის სამედიცინო პერსონალს შეხვდნენ და ადგილზე გაეცნენ იქ არსებულ ვითარებას.
კორონავირუსის პრევენციის მიზნით მდინარე ენგურის ცენტრალურ ხიდთან დევნილთა პოლიკლინიკის სამედიცინო პერსონალი ორ კვირაზე მეტია 24-საათიან რეჟიმში მორიგეობს და ყველა მოქალაქეს ახალ კორონავირუსზე (COVID-19) შემოწმებას უტარებს.
აფხაზეთის ავტონომიური რესპუბლიკის მთავრობის ორგანიზებით ბორჯომისა და ახალციხის მუნიციპალიტეტების დევნილთა კომპაქტურ ჩასახლებებში მცხოვრებ 70 წელს გადაცილებულ 161 ბენეფიციარს, რომლებიც განსაკუთრებულ რისკის ჯგუფს მიეკუთვნებიან, პირველადი მოხმარების სასურსათო პროდუქტი გადაეცათ.
ღონისძიებაში ბორჯომის მუნიციპალიტეტის მერის მოვალეობის შემსრულებელი დავით ზაალიშვილი და აფხაზეთის ავტონომიური რესპუბლიკიდან იძულებით გადაადგილებულ პირთა-დევნილთა სამინისტროს თანამშრომლები მონაწილეობდნენ.
აფხაზეთის ავტონომიური რესპუბლიკის მთავრობის ინიციატივით ახალი კორონავირუსის (COVID-19) გავრცელების პრევენციის მიზნით თბილისში მდებარე დევნილთა კომპაქტურ ჩასახლებებში სადეზინფექციო სამუშაოები მიმდინარეობს. სამუშაოები უკვე დასრულდა გლდანის (27 ობიექტი), დიდუბის (16 ობიექტი) და ნაძალადევის (7 ობიექტი) რაიონებსა და დაბა წყნეთში (28 ობიექტი). მომდევნო დღეების განმავლობაში სადეზინფექციო სამუშაოები თბილისის ყველა დარჩენილ რაიონში ჩატარდება. სამუშაოებს სსიპ „აფხაზეთის გარემოს, გეოლოგიის და მინერალური რესურსების სააგენტო“ ახორციელებს.
აფხაზეთის ავტონომიური რესპუბლიკის მთავრობის თავმჯდომარის მოადგილე ანზორ მარგიანი ლილოს დასახლებაში იმყოფებოდა, სადაც აფხაზეთიდან დევნილ მრავალშვილიან, სოციალურად დაუცველ ფარულავების ოჯახს პირველადი მოხმარების სასურსათო პროდუქტი და „აფხაზეთის სულიერების ცენტრის“ მიერ ბავშვებისთვის გაგზავნილი სასაჩუქრე ყუთები გადასცა.
აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე, აფხაზეთის ავტონომიური რესპუბლიკის მთავრობის თავმჯდომარის მოადგილე ანზორ მარგიანი და აფხაზეთის ავტონომიური რესპუბლიკის მთავრობის წევრები გლდანში მდებარე დევნილთა კომპაქტურ ჩასახლებაში იმყოფებოდნენ, რომელიც კორონავირუსის შემთხვევის დადასტურების გამო რამდენიმე დღეა კარანტინში იმყოფება. მთავრობის წარმომადგნელებმა აფხაზეთიდან დევნილ მოსახლეობას პირველადი საჭიროების სასურსათო პროდუქტი გადასცეს. ასევე 5-9 წლამდე ასაკის 19 მოზარდს „აფხაზეთის სულიერების ცენტრის“ მიერ გადმოცემული სასაჩუქრე ყუთები დაურიგდათ.
აფხაზეთის ავტონომიური რესპუბლიკის მთავრობის ორგანიზებით, გორის მუნიციპალიტეტში კომპაქტურად ჩასახლებულ აფხაზეთიდან დევნილ ბენეფიციარებს პირველადი მოხმარების სასურსათო პროდუქტი გადაეცათ.
ღონისძიებაში აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე, შიდა ქართლის რეგიონის სახელმწიფო რწმუნებული გიორგი ხოჯევანიშვილი, აფხაზეთის ავტონომიური რესპუბლიკის მთავრობის თავმჯდომარის მოადგილე ანზორ მარგიანი, შიდა ქართლის რეგიონის სახელმწიფო რწმუნებულის მოადგილე ამირან ქრისტესიაშვილი და აფხაზეთის ავტონომიური რესპუბლიკის მთავრობის წევრები მონაწილეობდნენ.
სურსათი ასევე კასპის, ქარელისა და ხაშურის მუნიციპალიტეტებში მცხოვრებ აფხაზეთიდან დევნილებს გადაეცემათ.
შიდა ქართლის რეგიონში აქცია აფხაზეთის ავტონომიური რესპუბლიკიდან იძულებით გადაადგილებულ პირთა-დევნილთა სამინისტროს აღმოსავლეთ საქართველოს ტერიტორიული ორგანოს უშუალო მონაწილეობით განხორციელდა.
კორონავირუსის გავრცელების აღსაკვეთად საქართველოს მთავრობის სტრატეგიიდან გამომდინარე, აფხაზეთის ავტონომიური რესპუბლიკის მთავრობაში, აფხაზეთის უმაღლესი საბჭოს ჩართულობით შეიქმნა სათათბირო ორგანო-საკოორდინაციო საბჭოს სახით, რომელმაც მიიღო გადაწყვეტილება განსაკუთრებული საჭიროების მქონე დევნილთათვის სასურსათო დახმარების პროგრამა განახორციელოს.
მიზნობრივ ჯგუფს წარმოადგენს დევნილთა კომპაქტურ ჩასახლებებში მცხოვრები 70 წელს გადაცილებული იძულებით გადაადგილებული პირები, რომლებიც განსაკუთრებული რისკის ჯგუფს მიეკუთვნებიან.
პირველადი მოხმარების სასურსათო პროდუქტი ბენეფიციარებს მთელი საქართველოს მასშტაბით გადაეცემათ. დარიგების პროცესში აქტიურ მონაწილეობას სამხარეო ადმინისტრაციებისა და მუნიციპალიტეტების ხელმძღვანელები მიიღებენ.
აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძემ თბილისში მცხოვრებ აფხაზეთიდან დევნილ სოციალურად დაუცველ მრვალშვილიან ოჯახებს პირველადი მოხმარების სასურსათო პროდუქტი გადასცა.
დღესვე რუსლან აბაშიძემ ქართველი ვეტერანი ფეხბურთელი, აფხაზეთიდან დევნილი ვლადიმერ (სიომა) ბარქაია მოინახულა და სასურსათო პროდუქტი გადასცა.
.პირველადი მოხმარების სასურსათო პროდუქტების დარიგების აქცია აფხაზეთის ავტონომიური რესპუბლიკის მთავრობის ორგანიზებით მთელი ქვეყნის მასშტაბით მიმდინარეობს. პროდუქტს 10000-მდე აფხაზეთიდან იძულებით გადაადგილებული განსაკუთრებული საჭიროების მქონე სოციალურად დაუცველი პირი მიიღებს.
ახალი კორონავირუსის გავრცელების აღსაკვეთად საქართველოს მთავრობის სტრატეგიიდან გამომდინარე, აფხაზეთის ავტონომიური რესპუბლიკის მთავრობაში შეიქმნა სათათბირო ორგანო-საკოორდინაციო საბჭოს სახით, რომელიც აფხაზეთის უმაღლესი საბჭოს ჩართულობით უზრუნველყოფს ერთიანი პოლიტიკის გატარებას და იძულებით გადაადგილებულ პირთა აქტიურ დახმარებას.
საკოორდინაციო საბჭოს მიერ კორონავირუსის პრევენციისთვის არაერთი ღონისძიება განხორციელდა. დახმარება გაეწიათ ოკუპირებული აფხაზეთის ტერიტორიაზე მცხოვრებ მოსახლეობას, თბილისსა და საქართველოს რეგიონებში არსებულ დევნილთა მსხვილ კომპაქტურ ჩასახლებებში ადგილობრივი მუნიციპალიტეტების ჩართულობით ჩატარდა სადეზინფექციო სამუშაოები და გადაეცათ სადეზინფექციო დისპენსერები.
მომდევნო დღეების განმავლობაში კომპაქტურ ჩასახლებებში მცხოვრებ აფხაზეთიდან დევნილ, სოციალურად დაუცველ, განსაკუთრებული საჭიროების მქონე 10 000-მდე ბენეფიციარს პირველადი მოხმარების სასურსათო პროდუქტი გადაეცემათ. დარიგების პროცესში აქტიურ მონაწილეობას სამხარეო ადმინისტრაციებისა და მუნიციპალიტეტების ხელმძღვანელები მიიღებენ.
ასევე, აღდგომის დღესასწაულზე დევნილებს სადღესასწაულო ნობათები და აფხაზეთის მთავრობის სანერგე მეურნეობაში გამოყვანილი ბზის ნერგები დაურიგდებათ. აქცია მთელი ქვეყნის მასშტაბით განხორციელდება.
აფხაზეთის ავტონომიური რესპუბლიკის მთავრობის წევრები, აფხაზეთის ავტონომიური რესპუბლიკის უმაღლესი საბჭოს დეპუტატები უერთდებიან „ქართული ოცნების“ ინიციატივას და სახელფასო ანაზღაურებიდან თანხის ნაწილს კორონოვირუსთან ბრძოლის ფონდში ჩარიცხავენ.
„აფხაზეთის ავტონომიური რესპუბლიკის მთავრობა მხარს ვუჭერთ და ვუერთდებით მმართველი პარტიის მიერ მიღებულ გადაწყვეტილებას, რომ ხელფასების ნაწილი კორონავირუსთან ბრძოლის ფონდში გადავრიცხოთ. აფხაზეთის მთავრობის პარალელურად სოლიდარობის აქციაში აფხაზეთის ავტონომიური რესპუბლიკის უმაღლესი საბჭოც ერთვება. ჩვენი შესაძლებლობების ფარგლებში ვეცდებით მაქსიმუმი გავაკეთოთ და წვლილი შევიტანოთ პანდემიასთან ბრძოლის საქმეში“ -განაცხადა რუსლან აბაშიძემ.
