აფხაზეთის ავტონომიური რესპუბლიკის მთავრობა

განათლებისა და კულტურის სამინისტრო

განათლებისა და კულტურის სამინისტრო 2026-01-22

აფხაზეთის განათლებისა და კულტურის მინისტრი აფხაზეთის N1 და N11 საჯარო სკოლებს ეწვია

აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე აფხაზეთის განათლებისა და კულტურის მინისტრ გიორგი ძაძამიასთან ერთად ზუგდიდში მდებარე აფხაზეთის N1 და ილია ვეკუას სახელობის აფხაზეთის N11 საჯარო სკოლებს ეწვია.

აფხაზეთის საჯარო სკოლებში მთავრობის წევრები სკოლების ადმინისტრაციულ პერსონალსა და მასწავლებლებს შეხვდნენ, სადაც განიხილეს სკოლების ინფრასტრუქტურული პროექტები და საჭიროებები.

ახლად დანიშნულმა მინისტრმა სამომავლო ხედვებსა და განათლების მიმართულებით დაგეგმინ ახალ პროექტებსა და ინიციატივებზე ისაუბრა.

აფხაზეთის მთავრობის წევრებმა პირველკლასელებს სიმბოლური საჩუქრები გადასცეს და სასწავლო წლის განახლება მიულოცეს.

აფხაზეთის განათლებისა და კულტურის მინისტრი, აფხაზეთის საჯარო სკოლების მონიტორინგს, ქვეყნის მასშტაბით, ეტაპობრივად განახორციელებს.