აბაშის მუნიციპალიტეტში იძულებით გადაადგილებულ პირთათვის უფასო სამედიცინო-პროფილაქტიკური გამოკვლევევები ჩატარდა. აქცია აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტროს ორგანიზებით მოეწყო და 500-მდე დევნილმა მიიღო მონაწილეობა.

დევნილებს დიაგნოსტიკური და ექოსკოპიური გამოკვლევები ჩაუტარდათ, ასევე მათ სხვადასხვა პროფილის ექიმები: ოჯახის ექიმი, პედიატრი, კარდიოლოგი, ნევროლოგი, გინეკოლოგი, ქირურგი, ოფთალმოლოგი, ოტორინოლარინგოლოგი, ენდოკრინოლოგი, დერმატოლოგი, ონკოლოგი, ინფექციონისტი და ულტრასონოგრაფიის აპარატურით აღჭურვილი სპეციალისტი მოემსახურნენ.

სამედიცინო გამოკვლევებს აფხაზეთის ავტონომიური რესპუბლიკის ჯანმრთელობისა და სოციალური დაცვის  მინისტრი ქეთევან ბაკარაძე და სამინისტროს თანამშრომლები ესწრებოდნენ.

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია მიწვეული იყო საზოგადოებრივი მაუწყებლის „მეორე არხის“ თოქ-შოუში „არგუმენტების დრო“. თემა – ჟენევის მოლაპარაკებების 34-ე რაუნდი. გთავაზობთ ამონარიდებს ყოლბაიას გამოსვლიდან.

„ქართული ენის სწავლების პრობლემა ჟენევაში ძალიან სერიოზულ დონეზე დაისვა. ამ თემაზე საუბრობდა პრემიერ-მინისტრი გაეროს ტრიბუნიდან, სხვადასხვა შეხვედრებზე საუბრობს საგარეო საქმეთა მინისტრი. რა თქმა უნდა, ეს საკითხი ჟენევის მოლაპარაკებების ამ რაუნდზეც დაისვა. აფხაზების მხრიდან, ხშირად არის საუბრის სხვა თემებზე გადატანის მცდელობა, რადგან სოხუმში თვლიან, რომ ეს ის თემა არაა, რომელზეც დრო უნდა დაიხარჯოს. მათვის მნიშვნელოვანია ის საკითხები, რომლითაც თავად არიან დაინტერესებულნი. ჩვენ მკაფიოდ გვაქვს განსაზღვრული პრიორიტეტები და ერთ-ერთი მათგანი არის დევნილთა საკითხი. საერთაშორისო ორგანიზაციები უკვე თამამად მიუთითებენ იმ საერთაშორისო კონვენციებზე, რომელთა მიხედვითაც, მშობელს უფლება აქვს მისმა შვილმა ისწავლოს იმ ენაზე, რომელიც მას სურს. ამ საკითხში საერთაშორისო თანამეგობრობის პოზიცია შეუვალია“.

„ჟენევის მოლაპარაკებების ფორმატი ჩვენი საბოლოო მიზნის მიღწევის საწინდარი უნდა გახდეს. ნაბიჯ-ნაბიჯ მივიწევთ იქამდე, რომ ოპონენტები არ დავაფრთხოთ. საერთაშორისო თანამეგობრიობისთვის ძალიან მნიშვნელოვანია ჩვენი კონსტრუქტივიზმი, მოწადინება. ვსაუბრობთ დევნილთა დაბრუნების საკითხზე, ეკოლოგიის საკითხებზე. მიმაჩნია, რომ ის გზა, რომელსაც ჩვენ ვადგავართ, საბოლოო მიზნამდე მიგვიყვანს, მე მას შემოვლით გზას ვუწოდებდი, სხვა გამოსავალი არ გვაქვს“.

„აფხაზეთში ძალიან მძიმე ეკონომიკური მდგომარეობაა. იზრდება უკმაყოფილება. ეს ჟენევაშიც იგრძნობა. აფხაზეთის ე. წ. ხელისუფლებისთვის ძალიან საშიშია აფხაზების თბილისისკენ შემობრუნების ტენდენცია. ალბათ გსმენიათ, რომ აფხაზები ხშირად კბილის ამოსაღებადაც კი თბილისში დადიან, ესწრებიან საფეხბურთო მატჩებს. ამ ყველაფერს, ე. წ. ხელისუფლების მხრიდან უკვე ისეთი პროტესტი აღარ მოსდევს, როგორც ეს ადრე ხდებოდა. ე. ი. აფხაზეთის საზოგადოებაში რაღაც იცვლება“.

„სოხუმის ე. წ. პარლამენტში, ეროვნებით სომეხ დეპუტატთა ჯგუფმა წამოწია რკინიგზის აღდგენის თემა, თუმცა აფხაზების მხრიდან სერიოზული პრობლემები შეექმნათ. ამიტომ ამ მარშრუტის აღდგენის საკითხი ერთგვაროვანი არაა. ეკონომიკური პრობლემების მოსაგვარებლად, საუბარი იყო ზღვის შელფის ამოქმედებაზეც, რასაც „როსნეფტი“ ძალიან ცდილობს. დასმულია მიწების პრივატიზაციის საკითხიც. რუსეთიდან პრაქტიკულად შეფერხებულია სოხუმისთვის ფულის ნაკადის მიწოდება. რკინიგზის თემა ნამდვილად არაა სერიოზული, მოსკოვი კარგად აცნობიერებს, რომ თბილისის გარეშე რკინიგზას ვერ გაიყვანს“.

„რა თქმა უნდა, ხაჯიმბა ვერ მიიღებდა მკვეთრ გადაწყვეტილებებს თავისი წინასაარჩევნო დაპირებების შესასრულებლად, რადგან ეს სოხუმზე აღარ არის დამოკიდებული. მათი შესრულების ბერკეტები არის არა სოხუმში, არამედ მოსკოვში. მოვლენების ამჟამინდელი განვითარებით მოსკოვი, როგორც ჩანს, ჯერჯერობით უკმაყოფილოა. სოხუმში ხაჯიმბა ვერ მისცემს თავის თავს იმის უფლებას, რომ ყველაფერი ზუსტად ისე გააკეთოს, როგორც მოსკოვს უნდა. გამორიცხული არაა მოსკოვმა კვლავ გამოიყენოს ხელების გადაგრეხის პოლიტიკა ხაჯიმბას წინააღმდეგ, ვგულისხმობ მის შეცვლას. ამის ინიციატორი კი შესაძლოა ისევ აფხაზეთის საზოგადოება იყოს. ძალიან ფრთხილი ოპტიმიზმით უნდა შევხედოთ იმ საკითხს, რომ აფხაზები ერთბაშად დაიძვრებაიან თბილისისკენ. საჭიროა დრო, რომ მათ გააცნობიერონ, მოსკოვის ნამდვილი დამოკიდებულება სოხუმის მიმართ. ეს პროცესი კი ნელ-ნელა მიმდინარეობს“.

„ევროპული მომავალი აფხაზებისათვის უცხო არაა. ისინი ძალიან კარგად აცნობიერებენ თუ რა სიკეთე მოაქვს ევროინტეგრაციას. ამაზე სოხუმში ხმამაღლა არ საუბრობენ. რუსეთის წნეხის შიშით ეს თემა პოლიტიკურ ელიტაში ჩახშობილია. ძალიან დიდი დაკვირვება არ არის საჭირო იმის დასანახად, თუ რამდენად უნდათ მათ ევროინტეგრაცია. ყველას აინტერესებს თავისი ოჯახის, თავისი შვილების ბედი, ჯანდაცვის სიკეთეები, ევროპაში განათლების მიღება. ვფიქრობ, ევროკავშირთან უვიზო მიმოსვლის შემოღება ძალიან სერიოზულ გავლენას მოახდენს აფხაზეთში“.

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია მიწვეული იყო საზოგადოებრივი მაუწყებლის „მეორე არხის“ თოქ-შოუში „არგუმენტების დრო“. თემა – ჟენევის მოლაპარაკებების 34-ე რაუნდი. გთავაზობთ ამონარიდებს ყოლბაიას გამოსვლიდან.

„ქართული ენის სწავლების პრობლემა ჟენევაში ძალიან სერიოზულ დონეზე დაისვა. ამ თემაზე საუბრობდა პრემიერ-მინისტრი გაეროს ტრიბუნიდან, სხვადასხვა შეხვედრებზე საუბრობს საგარეო საქმეთა მინისტრი. რა თქმა უნდა, ეს საკითხი ჟენევის მოლაპარაკებების ამ რაუნდზეც დაისვა. აფხაზების მხრიდან, ხშირად არის საუბრის სხვა თემებზე გადატანის მცდელობა, რადგან სოხუმში თვლიან, რომ ეს ის თემა არაა, რომელზეც დრო უნდა დაიხარჯოს. მათვის მნიშვნელოვანია ის საკითხები, რომლითაც თავად არიან დაინტერესებულნი. ჩვენ მკაფიოდ გვაქვს განსაზღვრული პრიორიტეტები და ერთ-ერთი მათგანი არის დევნილთა საკითხი. საერთაშორისო ორგანიზაციები უკვე თამამად მიუთითებენ იმ საერთაშორისო კონვენციებზე, რომელთა მიხედვითაც, მშობელს უფლება აქვს მისმა შვილმა ისწავლოს იმ ენაზე, რომელიც მას სურს. ამ საკითხში საერთაშორისო თანამეგობრობის პოზიცია შეუვალია“.

„ჟენევის მოლაპარაკებების ფორმატი ჩვენი საბოლოო მიზნის მიღწევის საწინდარი უნდა გახდეს. ნაბიჯ-ნაბიჯ მივიწევთ იქამდე, რომ ოპონენტები არ დავაფრთხოთ. საერთაშორისო თანამეგობრიობისთვის ძალიან მნიშვნელოვანია ჩვენი კონსტრუქტივიზმი, მოწადინება. ვსაუბრობთ დევნილთა დაბრუნების საკითხზე, ეკოლოგიის საკითხებზე. მიმაჩნია, რომ ის გზა, რომელსაც ჩვენ ვადგავართ, საბოლოო მიზნამდე მიგვიყვანს, მე მას შემოვლით გზას ვუწოდებდი, სხვა გამოსავალი არ გვაქვს“.

„აფხაზეთში ძალიან მძიმე ეკონომიკური მდგომარეობაა. იზრდება უკმაყოფილება. ეს ჟენევაშიც იგრძნობა. აფხაზეთის ე. წ. ხელისუფლებისთვის ძალიან საშიშია აფხაზების თბილისისკენ შემობრუნების ტენდენცია. ალბათ გსმენიათ, რომ აფხაზები ხშირად კბილის ამოსაღებადაც კი თბილისში დადიან, ესწრებიან საფეხბურთო მატჩებს. ამ ყველაფერს, ე. წ. ხელისუფლების მხრიდან უკვე ისეთი პროტესტი აღარ მოსდევს, როგორც ეს ადრე ხდებოდა. ე. ი. აფხაზეთის საზოგადოებაში რაღაც იცვლება“.

„სოხუმის ე. წ. პარლამენტში, ეროვნებით სომეხ დეპუტატთა ჯგუფმა წამოწია რკინიგზის აღდგენის თემა, თუმცა აფხაზების მხრიდან სერიოზული პრობლემები შეექმნათ. ამიტომ ამ მარშრუტის აღდგენის საკითხი ერთგვაროვანი არაა. ეკონომიკური პრობლემების მოსაგვარებლად, საუბარი იყო ზღვის შელფის ამოქმედებაზეც, რასაც „როსნეფტი“ ძალიან ცდილობს. დასმულია მიწების პრივატიზაციის საკითხიც. რუსეთიდან პრაქტიკულად შეფერხებულია სოხუმისთვის ფულის ნაკადის მიწოდება. რკინიგზის თემა ნამდვილად არაა სერიოზული, მოსკოვი კარგად აცნობიერებს, რომ თბილისის გარეშე რკინიგზას ვერ გაიყვანს“.

„რა თქმა უნდა, ხაჯიმბა ვერ მიიღებდა მკვეთრ გადაწყვეტილებებს თავისი წინასაარჩევნო დაპირებების შესასრულებლად, რადგან ეს სოხუმზე აღარ არის დამოკიდებული. მათი შესრულების ბერკეტები არის არა სოხუმში, არამედ მოსკოვში. მოვლენების ამჟამინდელი განვითარებით მოსკოვი, როგორც ჩანს, ჯერჯერობით უკმაყოფილოა. სოხუმში ხაჯიმბა ვერ მისცემს თავის თავს იმის უფლებას, რომ ყველაფერი ზუსტად ისე გააკეთოს, როგორც მოსკოვს უნდა. გამორიცხული არაა მოსკოვმა კვლავ გამოიყენოს ხელების გადაგრეხის პოლიტიკა ხაჯიმბას წინააღმდეგ, ვგულისხმობ მის შეცვლას. ამის ინიციატორი კი შესაძლოა ისევ აფხაზეთის საზოგადოება იყოს. ძალიან ფრთხილი ოპტიმიზმით უნდა შევხედოთ იმ საკითხს, რომ აფხაზები ერთბაშად დაიძვრებაიან თბილისისკენ. საჭიროა დრო, რომ მათ გააცნობიერონ, მოსკოვის ნამდვილი დამოკიდებულება სოხუმის მიმართ. ეს პროცესი კი ნელ-ნელა მიმდინარეობს“.

„ევროპული მომავალი აფხაზებისათვის უცხო არაა. ისინი ძალიან კარგად აცნობიერებენ თუ რა სიკეთე მოაქვს ევროინტეგრაციას. ამაზე სოხუმში ხმამაღლა არ საუბრობენ. რუსეთის წნეხის შიშით ეს თემა პოლიტიკურ ელიტაში ჩახშობილია. ძალიან დიდი დაკვირვება არ არის საჭირო იმის დასანახად, თუ რამდენად უნდათ მათ ევროინტეგრაცია. ყველას აინტერესებს თავისი ოჯახის, თავისი შვილების ბედი, ჯანდაცვის სიკეთეები, ევროპაში განათლების მიღება. ვფიქრობ, ევროკავშირთან უვიზო მიმოსვლის შემოღება ძალიან სერიოზულ გავლენას მოახდენს აფხაზეთში“.

ვალერი არქანიას სახელობის არტ-გალერეაში აფხაზეთის ავტონომიური რესპუბლიკის მთავრობის თავმჯდომარესთან არსებული გიორგი შარვაშიძის  სახელობის პრემიის 2015 წლის ლაურეატთა დაჯილდოება გაიმართა.

2015 წელს გიორგი შარვაშიძის სახელობის პრემიის მოსაპოვებლად გამოცხადებული კონკურსის შედეგების შეჯამების შედეგად პრემიის ლაურეატები გახდნენ:

რობერტ  მესხი - ლექსების კრებულისათვის „მზის რაფსოდია“;

გურამ ყურაშვილი - აფხაზეთის სახელმწიფო საგუნდო კაპელის 2015 წლის საკონცერტო პროგრამისათვის;

ალექსეი  თარია - პუბლიცისტური წერილისათვის „გედის სიმღერა ანუ სამუდამო დევნილის მოგონებები და ფიქრები“;

ირაკლი გელენავა - დოკუმენტური კრებულისათვის „ქართული პერიოდული პრესის მასალები 1900-1921 წ.წ.“ (აფხაზეთი - რელიგია, განათლება, კულტურა).

ღონისძიებას აფხაზეთის ავტონომიური რესპუბლიკის განათლებისა და კულტურის მინისტრი დიმიტრი ჯაიანი, აფხაზეთის უმაღლესი საბჭოს დეპუტატები,  გიორგი შარვაშიძის  სახელობის პრემიის ლაურეატები და კულტურის სფეროს წარმომადგენლები.

ჟენევის მოლაპარაკებებში საქართველოს დელეგაციას საგარეო საქმეთა მინისტრის პირველი მოადგილე დავით დონდუა ხელმძღვანელობს. მოლაპარაკებებში მონაწილეობენ შერიგებისა და სამოქალაქო თანასწორობის საკითხებში სახელმწიფო მინისტრის პირველი მოადგილე ქეთევან ციხელაშვილი, აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, ყოფილი სამხრეთ-ოსეთის დროებითი ადმინისტრაციის ხელმძღვანელი დიმიტრი სანაკოევი.

აფხაზეთის ავტონომიური რესპუბლიკის განათლებისა და კულტურის სამინისტროში არსებულ ვალერი არქანიას სახელობის „არტ-გალერეაში" აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ 2015 წელს აფხაზეთის ავტონომიური რესპუბლიკის მთავრობის მიერ გაწეული მუშაობის ანგარიში წარადგინა.

ანგარიშის წარდგენას ესწრებოდნენ აფხაზეთის ავტონომიური რესპუბლიკის მთავრობის საქვეუწყებო სტრუქტურების, არასამთავრობო ორგანიზაციებისა და დევნილი მსოახლეობის წარმომადგენლები.

ანგარიში ეხებოდა ავტონომიური რესპუბლიკის მთავრობის მიერ ერთი წლის განმავლობაში გაწეულ საქმიანობას, სტატეგიულ მიმართულებებსა და სოციალური ხასიათის პროექტებს. პრეზენტაციაზე ასევე წარმოდგენილი იყო მთავრობის საქმიანობის ეფექტურობის გაზრდასთან დაკავშირებული ხედვები.

„გახსოვთ ალბათ, ჩვენი მთავრობის ანგარიშის პირველი პრეზენტაცია, რომლის წარდგენაც პარლამენტში მოხდა. როდესაც გავაანალიზეთ ანგარიშის პარამეტრები, გადავწყვიტეთ იმ მნიშვნელოვანი მომენტების საზოგადოებისთვის გაზიარება, რომელზე საუბარიც პარლამენტში ვერ მოხერხდა. დღეს უფრო გულდადებით და ვრცლად ვილაპარაკეთ იმ პროექტებზე, რომლის განხორციელებას და მომზადებას მრავალი სამუშაოს ჩატარება უძღოდა წინ. ესენი გახლავთ სასოფლო-სამეურნეო, ახალგაზრდული, საუნივერსიტეტო, ჯანდაცვის, განათლების, კულტურის, სპორტის სფეროებში განხორციელებული პროექტები. საზოგადოების ყურადღება შევაჩერეთ იტალიაში განხორციელებულ პროექტებზეც, რომელსაც ჩვენ საქმიანობაში სტრატეგიულ ადგილს მივუჩენდი. სამგალითოს ვუწოდებდი ასევე, ჩვენ თანმშრომლობას არასამთავრობო სექტორთან, რომელიც გერმანიის, ჩეხეთის და თურქეთის საელჩოების ძალისხმევითა და ხელშეწყობით განხორციელდა. ვსარგებლობ შემთხვევით და დიდ მადლობას მოვახსენებ მათ მხარში ამოდგომისა და თანამშრომლობისათვის.

დიდ მიღწევად მიმაჩნია ისიც, რომ მოხერხდა სამუშაო ადგილების შექმნა და დევნილთა მცირე ნაწილის დასაქმება. არაერთხელ მითქვამს, რომ დევნილი საზოგადოების სახით ჩვენ გვყავს ძალიან ნიჭიერი, იდეური, ენთუზიაზმით აღსავსე და დიდი პოტენციალის მქონე ადამიანები. მათი შესაძლებლობები ყველამ აღიარა, ვინც კი ჩვენთან ერთად იყო ჩართული პროექტების განხორციელების პროცესში. დღეს ვილაპარაკეთ იმ მიღწევებზეც, რომელიც დევნილთა და განსახლების სამინისტროსა და ბატონ სოზარ სუბარის დამსახურებად უნდა ჩაითვალოს. აღიარებულია, რომ დევნილთათვის ბინათმშენებლობის პროცესმა მკვეთრად შემოაბრუნა და გააუმჯობესა დევნილთა მდგომარეობა. ეს კი იმას ნიშნავს, რომ რამდენიმე წელიწადში ჩვენ ქვეყანას უბინაო დევნილი აღარ ეყოლება. რა თქმა უნდა, პრობლემები არის, ისინი თავზესაყრელი გვაქვს, მაგრამ პროცესის დინამიკა გვიჩვენებს, რომ სწორი გეზი და სტრატეგია გვაქვს შერჩეული. ხაზი მინდა გავუსვა იმასაც, რომ რაღაც მანქანებით ჩვენ მოვახდინეთ ერთგვარი გარღვევა უცხოეთში ჩვენი ლეგიტიმური ხელისუფლების ცნობადობის ასამაღლებლად.

ჩვენ გვჭირდება უფრო მეტი სიცხადის შეტანა, მოუგვარებელი კონფლიქტების მოწესრიგების საქმეში. თუ რა შეუძლია ადგილზე მუშაობას, ეს დაადასტურა იტალიაში გამართულმა შეხვედრებმა და განსაკუთრებით თურქეთში აფხაზეთის ლეგიტიმური ხელისუფლების ოფიციალურმა ვიზიტმა. ამ ქვეყნებში დაგეგმილმა მრავალრიცხოვანმა შეხვედრებმა საზოგადოების წარმომადგენლებთან და პოლიტიკურ ელიტასთან ძალიან ბევრ პოლიტიკოსს აუხილა თვალი ქართულ-აფხაზური კონფლიქტის რეალურ ვითარებაზე. ამას კი სიცხადე, გარკვეულობა და ერთგვარი წესრიგი შეაქვს საერთაშორისო და პოლიტიკური საზოგადოების მეხსიერებაში. ჩვენი მიზანია, ყველამ გაიგოს, რომ საქართველო აფხაზეთისა და სამაჩაბლოს გარეშე აზარალებს არამარტო საქართველოს, არამედ, აფხაზეთსაც და ოსეთსაც. საბოლოოდ კი ეს დიდ პრობლემად შეიძლება მოევლინოს დანარჩენ მსოფლიოსაც. ამ თემებს კი როგორც უკვე გითხარით ადგილზე მუშაობა, ინფორმაციის გაცვლა და რეალური არგუმენტების მოძიება სჭირდება. არაღიარების პოლიტიკის გაღრმავებაზე ყველაზე მეტად ვინ უნდა იზრუნოს, თუ არა აფხაზეთის ლეგიტიმურმა ხელისუფლებამ. საერთაშორისო საზოგადოება უნდა დარწმუნდეს, რომ საქართველოს ჰყავს აფხაზეთის ლეგიტიმური მთავრობა, რომელსაც არა ძალადობით, არა საომარი რიტორიკით, არამედ საერთო ინტერესების დაახლოებით ბუნებრივად სურს სოხუმთან შერწყმა.

რაც შეეხება ოპონენტებს, რომელთა გოდება და მოთქმა მათვე აზიანებთ, კიდევ ერთხელ გავუმეორებ: ბატონებო საქმე აკეთეთ, სიკეთე მოუტანეთ თქვენს თანამოძმეებს. ვერ მოვიცლით იმისთვის, რომ თქვენთან ერთად წყალი ვნაყოთ. დრო ფუჭად ვკარგოთ და არაფრისგან არაფერი ვაკეთოთ. ნიჭიერ ადამიანს ნიჭიერი საქმეები გამოარჩევს, უნიჭოს კი სხვისი გაკეთებული საქმეების აბუჩად აგდება გვრის შვებას. ეს ცხოვრების კანონია, სამწუხაროა, მაგრამ ამასთან ვერაფერს გავაწყობთ," - განაცხადა ვახტანგ ყოლბაიამ.

მიხეილ თუმანიშვილის სახელობის კინომსახიობთა სახელმწიფო თეატრში აფხაზეთის ავტონომიური რესპუბლიკის განათლებისა და კულტურის სამინისტროსა და საერთაშორისო ასოციაცია „საქართველოს ქალები მშვიდობისა და სიცოცხლისათვის“ ორგანიზებით, სტუდენტ ახალგაზრდობასთან შეხვედრა გაიმართა, რომელშიც სხვა სტუდენტებთან ერთად, მონაწილეობდნენ საქართველოს უმაღლეს სასწავლებლებში ჩარიცხული აფხაზეთიდან დევნილი სტუდენტები. სულ შეხვედრაში 100-მდე სხვადასხვა სასწავლებლის სტუდენტი მონაწილეობდა. ახალგაზრდებს კომპანია „მაგთიკომისგან“ საჩუქრად წიგნები „საქართველო და ქართველები და „ყოველი საქართველო“ გადაეცათ.

შეხვედრას ესწრებოდნენ აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის ავტონომიური რესპუბლიკის უმაღლესი საბჭოს თავმჯდომარე ელგუჯა (გია) გვაზავა, აფხაზეთის განათლებისა და კულტურის მინისტრი დიმიტრი ჯაიანი, უმაღლეს სასწავლებლების ხელმძღვანელები, მეცნიერები, კულტურის, ხელოვნებისა და საზოგადოებრივ ორგანიზაციათა წარმომადგენლები.

შეხვედრაზე ნაჩვენები იქნება გოგა პიპინაშვილის ხელოვნების საყმაწვილო ცენტრის არტ-ჰოლის სპექტაკლი „ჰელადოსი“ (ნოდარ დუმბაძის მოთხრობის მიხედვით).

გლდანის ყოფილი ნაგავსაყრელის ტერიტორიაზე აფხაზეთის ავტონომიური რესპუბლიკის მთავრობამ და აფხაზეთის ვეტერანთა კავშირმა გლდანის ყოფილი ნაგავსაყრელის გამწვანების აქციაში მიიღეს მონაწილეობა.

ღონისძიებაზე აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის მეომართა კავშირის თავმჯდომარე ზურაბ შამუგია, აფხაზეთის ვეტერანთა საქმეთა სამსახურის უფროსი დავით ღვინჯილია და აფხაზეთის მთავრობის წევრები იმყოფებოდნენ.

გამწვანების მორიგი აქცია სოფლის მეურნეობის, გარემოს დაცვისა და ბუნებრივი რესურსების დეპარტამენტისა და სატყეო სამმართველოს ორგანიზებით გაიმართა.

შეზღუდული შესაძლებლობის მქონე პირთა საერთაშორისო დღესთან დაკავშირებით 30 აფხაზეთიდან დევნილი შეზღუდული შესაძლებლობის მქონე ბავშვი „ზაალ სულაკაურის სამხატვრო სტუდიას" ესტუმრა. ბავშვებისათვის სპეციალური გასართობი პროგრამა ჯამბაზებითა და სადღესასწაულო სანახაობებით გაიმართა. მოზარდებს საჩუქრები გადაეცათ.

ღონისძიება აფხაზეთის ავტონომიური რესპუბლიკის განათლებისა და კულტურის სამინისტროს ორგანიზებით მოეწყო.

3 დეკემბერი შეზღუდული შესაძლებლობების მქონე პირთა უფლებების დაცვის საერთაშორისო დღედ გაერთიანებული ერების ორგანიზაციის ინიციატივით 1992 წლიდან იქნა დაწესებული.

აფხაზეთის ავტონომიური რესპუბლიკის მთავრობის ინიციატივითა და თურქეთის საერთაშორისო თანამშრომლობის სააგენტოს (ΤΙΚΑ) ფინანსური მხარდაჭერით რეფერალური პროგრამის ფარგლებში მოქმედი ობიექტი გაიხსნა. სადაც, ოკუპირებული აფხაზეთიდან სამკურნალოდ გადმოსული პაციენტები და მათი თანმხლები პირები განთავსდებიან.

აფხაზეთის ავტონომიური რესპუბლიკის მთავრობის კუთვნილი ობიექტის სარემონტო სამუშაოები და მისი შესაბამისი ინვენტარითა და ავეჯით აღჭურვა თურქეთის საერთაშორისო თანამშრომლობის სააგენტოს მიერ განხორციელდა.

აღსანიშნავია, რომ ობიექტში განთავსებულია 2 კომფორტულად მოწყობილი საძინებელი ოთახი, 7 საწოლით და საცხოვრებლად საჭირო ინვენტარის სრული კომპლექტით, როგორც ტექნიკის, ასევე თეთრეულის სახით, თანამედროვე ტექნიკით აღჭურვილი სამზარეულო და სააბაზანო. 

ობიექტის გახსნის ცერემონიას, რომელსაც აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის ავტონომიური რესპუბლიკის მთავრობის თავმჯდომარე ელგუჯა (გია) გვაზავა, თურქეთის რესპუბლიკის ელჩი საქართველოში ზექი ლევენთ გუმრუქჩუ, თურქეთის საერთაშორისო თანამშრომლობის სააგენტოს, თბილისის ოფისის ხელმძღვანელი მუსტაფა ქორქმაზი, საქართველოს სახელმწიფო მინისტრი შერიგებისა და სამოქალაქო თანასწორობის საკითხებში ბატონი პაატა ზაქარეიშვილი, საქართველოს პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარე დიმიტრი ხუნდაძე, საქართველოს შრომის, ჯანმრთელობისა და სოციალური დაცვის მინისტრის მოადგილე, სსიპ - სოციალური მომსახურების სააგენტოს დირექტორი  ზაზა სოფრომაძე და აფხაზეთის მთავრობის წევრები დაესწრნენ.

თბილისში, ლისის ტბის მიმდებარე ტერიტორიაზე, მეფუტკრეობის დარგში ხელოვნურად განაყოფიერების ლაბორატორია გაიხსნა. პროექტი არასამთავრობო ორგანიზაცია ,,აგორამ“ ჩეხეთის რესპუბლიკის საელჩოს, ჩეხეთის განვითარების სააგენტოს დაფინანსებითა და აფხაზეთის ავტონომიური რესპუბლიკის  მთავრობის მხარდაჭერით განახორციელა. პროექტში აქტიურად არიან ჩართული აფხაზეთიდან დევნილი მეფუტკრეები.

ლაბორატორიის გახსნის საზეიმო ცერემონიას ესწრებოდნენ აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, ჩეხეთის  რესპუბლიკის საგანგებო და სრულუფლებიანი ელჩი ტომაშ პერნიცკი, სოფლის მეურნეობის მინისტრის მოადგილე გოჩა ცოფურიშვილი, კოოპერატივების განვითარების სააგენტოს უფროსი გიორგი მიშელაძე, საქართველოს მეფუტკრეთა გილდიის ხელმძღვანელი  გიორგი კეპაშვილი, აფხაზეთის მთავრობისა და საერთაშორისო ორგანიზაციების წარმომადგენლები.

ვახტანგ ყოლბაიამ პროექტის მონაწილე მხარეებს მადლობა გადაუხადა. მისი თქმით, აფხაზეთის მთავრობა ჩეხეთის საელჩოსთან ერთად კიდევ მრავალ პროექტს გეგმავს.

„ძალიან მეამაყება,  რომ აფხაზეთის სოფლის მეურნეობის დეპარტამენტისა და ჩეხეთის საელჩოს თანამშრომლობით, შეიქმნა ლაბორატორია, რომელიც ახალი ტექნოლოგიით  გამოიყვანს განაყოფიერებული ფუტკრის დედებს.

ყველასთვის ცნობილია, რომ ფუტკრის ოჯახის პროდუქტიულობა ძალიან არის დედა ფუტკრის ხარისხზე დამოკიდებული. დედა ფუტკარი კი, რომელსაც აქ გამოიყვანენ ხარისხითაც და თვისებებითაც გამორჩეული იქნება. ათასჯერ  თქმულა, რომ ქართული ფუტკარი საუკეთესოა მსოფლიოში. ისიც კარგადაა ცნობილი, რომ საქართველოში წარმოებული ფუტკრის პროდუქტები  საუკეთესოა და ერთ-ერთი უნიკალური საექსპორტო საქონელია. ძალიან დიდი მადლობა მინდა გადავუხადო ჩეხეთის საელჩოს თანამშრომლობისა და მხარდაჭერისათვის. მახარებს ისიც, რომ ამ პროექტით არ მთავრდება ჩვენი თანამშრომლობა ჩეხეთთან და ერთობლივად სხვა ახალ პროექტებსაც ვგეგმავთ. მადლობა მინდა გადავუხადო ასევე არასამთავრობო ორგანიზაცია „აგორას“ აქტიური თანამშრომლობისასთვის. საგულისხმოა, რომ „აგორა“ უკვე მეორე პროექტს ახორციელებს ჩვენთან ერთად. პირველი პროექტი როგორც იცით, სოფელ რუხში სასათბურე მეურნეობის ჩამოყალიბება გახლდათ. ვფიქრობ, ასეთი წინსვლა სასიკეთოდ წაადგება ჩვენი დევნილების დღევანდელ და სამომავლო საქმიანობას. “ – განაცხადა ვახტანგ ყოლბაიამ.

აფხაზეთის ავტონომიური რესპუბლიკის მთავრობასა და საქართველოში გერმანიის ფედერაციული რესპუბლიკის საელჩოს თანამშრომლობის ფარგლებში ჯვარის დევნილთა პოლიკლინიკა მაღალ ტექნოლოგიური ულტრაბგერითი კვლევის აპარატითა და სისხლის ჰემატოლოგიური ანალიზატორით აღიჭურვება.

ხელშეკრულების ხელმოწერის ცერემონია გერმანიის ფედერაციული რესპუბლიკის საელჩოს შენობაში გაიმართა. ღონისძიებას გერმანიის ფედერაციული რესპუბლიკის ელჩის მოადგილე მონიკა ლენჰარდი, აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია და აფხაზეთის ჯანმრთელობისა და სოციალური დაცვის მინისტრი ქეთევან ბაკარაძე და ჯვარის დევნილთა პოლიკლინიკას დირექტორი გოჩა ლიპარტია ესწრებოდნენ.

აფხაზეთის ავტონომიური რესპუბლიკის მთავრობა და გერმანიის ფედერაციული რესპუბლიკის საელჩო მცირე საგრანტო პროექტის ფარგლებში აქტიურად თანამშრომლობენ. 2015 წელს გაცემული გრანტი სრულად მოხმარდა იძულებით გადაადგილებულ პირთა სამედიცინო დაწესებულებების აღჭურვას. პროექტის ფარგლებში 2015 წლის აგვისტოში სენაკის დევნილთა პოლიკლინიკას ექოსკოპიის აპარატი გადაეცა.

28-29 ნოემბერს, თბილისში, სპორტსაზოგადოება „მართვეს" ძიუდოს დარბაზში აფხაზეთის განათლებისა და კულტურის სამინისტროს სპორტისა და ახალგაზრდულ საქმეთა სამსახურის ინიციატივითა და ორგანიზებით, საქართველოს ძიუდოს ეროვნული ფედერაციის მხარდაჭერით აფხაზეთის ომში დაღუპულ მეომართა ხსოვნის ტურნირი ძიუდოში 2001-2002, 2003-2004 წ.წ. დაბადებულ სპორტსმენთა შორის ცხრა წონით კატეგორიაში ჩატარდა.

აფხაზეთის ომში დაღუპულ მეომართა ხსოვნის ტურნირი ძიუდოში მიზნად ისახავს ქალაქებსა და რაიონებში, ბავშვთა და მოზარდთა სპორტულ სკოლებში სასწავლო-სამწვრთნელო მუშაობის განვითარებას, სპორტსმენთა ოსტატობის დონის ამაღლებას, ჯანსაღი ცხოვრების წესის დანერგვას, ძიუდოს პოპულარიზაციას, წარმატებული, პერსპექტიული სპორტსმენების გამოვლენას, ახალგაზრდობის აქტიურ ჩაბმას ძიუდოს სექციაში, აფხაზეთის ნაკრები გუნდის დაკომპლექტებას.

პირველი ადგილიდ დაიკავეს აფხაზეთის წარმოამდგენლებმა ლუკა ლობჟანძემ 55 კგ. წონით კატეგორიაში და სანდრო ლოლაძემ 45 კგ. წონით კატეგორიაში.

მეორე ადგილზე კი ასევე აფხაზეთის წარმომადგენლები გიორგი ჯამბურიძე 55 კგ. წონით კატეგორიაში და საბა ოდიშვილი 35 კგ. წონით კატეგორიაში.

ტურნირის გამარჯვებული და პრიზიორი სპორტსმენები დაჯილდოვდნენ შესაბამისი ხარისხის თასებით, მედლებით და დიპლომებით.

ტურნირს აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია ესწერებოდა.

„დღევანდელ ტურნირს ტრადიციული ხასიათი აქვს. სპორტის ეს სახეობა ახალგაზრდებში განსაკუთრებით პოპულარულია. საგულისხმოა ისიც, რომ ცხრა ფინალისტიდან ხუთი აფხაზეთიდანაა, მათ შორის კი ორი ოქროს პრიზიორი გვყავს. მეორე ადგილი და ვერცხლის მედლებიც აფხაზ სპორტსმენებს ხვდათ. დამეთანხმებით, რომ ეს ძალიან კარგი შედეგია. გარდა იმისა, რომ ჩვენი სპორტის დეპარტამენტი ძალიან ენერგიულად და სერიოზულად მუშაობს, მათთან მოქმედი სპორტის ფედერაციებიც გამოირჩევიან სპორტული ღონისძიებების ჩატარების უნარით. მათ შორის, ბუნებრივია, ვგულისხმობ საერთაშორისო სპორტულ ღონისძიებებსაც. საზოგადოებას ახსოვს ალბათ მათი თაოსნობით ჩატარებული ფეხბურთის, ძიუდოს, თავისუფალი ჭიდაობის, ფარიკაობის, მძლეოსონიბს, კალათბურთის ტურნირები. არ უნდა დაგვავიწყდეს ამპლუტანტ ფეხბურთელთა ფედერაციაც. მწირი სახსრების მიუხედავად ისინი მაინც ახერხებენ ტურნირების ჩატარებას. ეს კი სერიოზული სტიმულია ტურნირებში მონაწილეთათვის.

მინდა მივულოცო დღევანდელ გამარჯვებულებს, მათ მშობლებს, სპორტის დეპარტამენტს. ასევე მადლობა მინდა გადავუხადო აფხაზეთის განათლებისა და კულტურის სამინისტროს სპორტისა და ახალგაზრდულ საქმეთა სამსახურს, საქართველოს სპორტის სამინისტროს და ძიუდოს ეროვნულ ფედერაციას, ყველას, ვინც მონაწილეობდა ამ სპორტული ღონისძიების მაღალ დონეზე ჩატარებაში. დარწმუნებული ვარ, მომავალი წლიდან ჩვენი სპორტსმენები ახალი შემართებით იბრძოლებენ სხვადასხვა სახეობის სპორტულ ასპარეზობებში და არაერთ საპრიზო ადგილს მოიპოვებენ", - განაცხადა ვახტან ყოლბაიამ.

აფხაზეთის ავტონომიური რესპუბლიკის მთავრობის მხარდაჭერით გალის რაიონის საგანმანათლებლო რესურსცენტრმა აფხაზეთის ავტონომიური რესპუბლიკის განათლებისა და კულტურის სამინისტროსთან არსებულ ვალერი არქანიას სახელობის არტ-გალერეაში 27 ნოემბერს ოკუპირებული გალის რაიონის მასწავლებლებისადმი მიძღვნილი ღონისძიება გამართა.

ღონისძიებას ესწრებოდნენ აფხაზეთის ა/რ უმაღლესი საბჭოს თავმჯდომარე გია გვაზავა, აფხაზეთის ა/რ მთავრობის თავმჯდომარის მოვალეობის შემსრულებელი ვახტანგ ყოლბაია, შერიგებისა და სამოქალაქო თანასწორობის საკითხებში მინისტრის პირველი მოადგილე ქეთევან ციხელაშვილი, გამოცდებისა და შეფასების ეროვნული ცენტრის დირექტორი მაია მიმინოშვილი, საქართველოს განათლებისა და მეცნიერების სამინისტროს წარმომადგენლები, აფხაზეთის მთავრობის მინისტრთა კაბინეტის წევრები, სტუმრები სოხუმის უნივერსიტეტიდან, საქართველოს სხვა უმაღლესი სასწავლებლებიდან, სამთავრობო და არასამთავრობო სტრუქტურებიდან, სტუდენტი ახალგაზრდობა.

ღონისძიებაზე გალის რესურსცენტრმა წარადგინა 2013-2015 წლებში ჩატარებული მუშაობის ანგარიში, აფხაზეთის ა/რ უმაღლესი საბჭოს თავმჯდომარემ გია გვაზავამ და აფხაზეთის ა/რ მთავრობის თავმჯდომარის მოვალეობის შემსრულებელმა ვახტანგ ყოლბაიამ პედაგოგები მოსწავლე-ახალგაზრდობის აღზრდის საქმეში შეტანილი წვლილისა და თავდადებული შრომისათვის აფხაზეთის ა/რ უმაღლესი საბჭოს საპატიო სიგელებით დააჯილდოვეს.

პედაგოგებს, ასევე, მადლობის სიგელები აფხაზეთის ა/რ განათლებისა და კულტურის მინისტრმა დიმიტრი ჯაიანმა და გალის საგანმანათლებლო რესურსცენტრის უფროსმა ნონა შონიამაც გადასცეს.

ღონისძიების ფარგლებში 28 ნოემბერს ახალციხის რაბათის სამუზეუმო კომპლექსის დირექციამ გალელ პედაგოგებს უმასპინძლა.

აფხაზეთის ავტონომიური რესპუბლიკის მთავრობის ორგანიზებით, ნოდარ დუმბაძის სახელობის მოზარდმაყურებელთა თეატრში, აფხაზეთის ომის დროს მოწამეობრივად აღსრულებული აფხაზი მამულიშვილისა და საზოგადო მოღვაწის, წმინდა გიორგის პირველი ხარისხის ორდენის კავალერის - იური (გიორგი) ანუას ხსოვნის საღამო გაიმართა. საღამოზე ნაჩვენები იყო იური ანუას ხსოვნისადმი მიძღვნილი დოკუმენტური ფილმი „ხიდი".

იური ანუამ 1988-1990 წლებში, სოფელ კამანში არსებული ნგრევის პირას მისული იოანე ოქროპირის ტაძარი საკუთარი სახსრებით აღადგინა და წმინდა იოანე ოქროპირის სასწაულმოქმედი ქვის სარკოფაგი სოხუმის საკათედრო ტაძრიდან კამანის განახლებულ ეკლესიაში დააბრუნა. აფხაზეთის კონფლიქტის დროს იური ანუა მამა ანდრიასთან ერთად მოწამეობრივად აღესრულა. დაკრძალულია კამანის ეკლესიის გალავანთან.

საღამოს ესწრებოდნენ აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის ავტონომიური რესპუბლიკის უმაღლესი საბჭოს თავმჯდომარე ელგუჯა (გია) გვაზავა, აფხაზეთის ავტონომიური რესპუბლიკის მთავრობის წევრები და უმაღლესი საბჭოს დეპუტატები, სასულიერო პირები და იური ანუას ოჯახის წევრები.