საოკუპაციო ხაზთან, ხურჩაში მოკლული გიგა ოთხოზორია დღეს ზუგდიდში დაკრძალეს.

გიგა ოთხოზორია ეგრეთ წოდებულმა მესაზღვრემ 19 მაისს დაახლოებით 14:30 საათზე საოკუპაციო ხაზთან, ზუგდიდის რაიონის სოფელ ხურჩაში საქართველოს მიერ კონტროლირებად ტერიტორიაზე ცეცხლსასროლი იარაღიდან გასროლით მოკლა.

ზუგდიდში იმყოფებოდნენ და გიგა ოთხოზორიას დაკრძალვას დაესწრნენ აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის ავტონომიური რესპუბლიკის მთავრობის წევრები და აფხაზეთის ავტონომიური რესპუბლიკის უმაღლესი საბჭოს დეპუტატები.